SUXESTIÓNS PARA O VERÁN 2023

Preme nos seguintes enlaces:

SUXESTIÓNS DE TRABALLO

SUXESTIÓNS LECTORAS

Outros materiais imprimibles:

Lengua Primaria

Matemáticas Primaria

DESPEDIMOS O CURSO

Hoxe, 21 de xuño, comeza o verán e remata un curso rico en aprendizaxes, experiencias, alegrías, emocións...un pasiño máis da nosa formación.

Celebrámolo con animacións lectoras, chistes, películas, visitas de nenas e nenos maiores, degustación culinaria, presentación no patio da "CIUDAD HOJA" de 4ºA, merendola, dedicatorias, mimos, apertas, bailes, risas...😍😘😍😘😍😘

Clicando nas imaxes entramos nos álbumes

CIUDAD HOJA💚🌲🍃

Agora toca un ATA PRONTO! 

FELICES VACACIÓNS DE VERÁN!

VÉMONOS EN SETEMBRO!

ÚLTIMOS DÍAS EN 4º

Estes últimos días tocou recoller, organizar materiais e devolver bibliografías empregadas durante o curso. Tamén rematamos algunhas tarefas e ordenamos-xuntamos traballos.

Na casa e, cando revisemos os traballos feitos no curso,  valoraremos o esforzo empregado e notaremos como agora todo resulta máis doado.

Aproveitamos estes días para facer  balance, autoavaliación, lembrar exposicións orais, saídas, visitas, charlas, lecturas, teatro e recreos cheos de propostas...compartir pequenos e grandes momentos, aprender a xestionar emocións e conflictos...MEDRAR.

Tamén recibimos diplomas de participación no horto escolar, teatro, espazo maker e combo.

Enlaces "teatrais":

 

 

 

Sempre podemos "revivir" e compartir estas experiencias entrando no noso blog e nos álbumes de fotos.

ACOLLIDA EN 5º

Este curso vai chegando ao seu fin. O pasado venres 16 e hoxe luns 19 preparamos a primeira fase do Plan de Acollida.

Visitamos ás aulas de 5ºA e 5ºB. Fomos acollidas e acollidos con entusiasmo e cariño polo alumnado que este ano remata 5º. Teñen axendas máis grosas, tamén usan libretas con espiral por ámbitos, teñen libros dixitais, empregan casilleiros para gardar os seus materiais e teñen a Plástica bilingüe en inglés e galego, pero o que máis chamou a nosa atención son os ORDENADORES PERSOAIS de cor vermella, o traballo en EDIXGAL e o reparto de materias en ámbitos científico-matemático e socio-lingüístico.

Explicáronnos as dificultades atopadas e como aprenderon a manexarse coa tecnoloxía, preguntamos, escoitamos, compartimos e agradecimos o tempo que pasaron con nós.👏👏👏

Acollida en 5ºA

Acollida en 5º B

VISITA Á GRANXA DE FINA

O xoves 15, o grupo de 4ºA, e o venres 16, o grupo de 4ºB, realizamos a última saída do curso.

Despois da charla sobre doma natural que recibimos no centro o pasado mes de marzo, tiñamos moita ilusión por visitar as instalacións, ver como funciona, aprender máis sobre estes animais e disfrutar xuntas e xuntos.

Axudamos a limpar, dar de comer, cepillar, montar, xogamos, merendamos, realizamos unha xincana...Pasamos unha xornada moi divertida como podemos compartir nas imaxes seguintes:

Clicando sobre as imaxes podemos entrar nos álbumes de 4ºA e 4ºB.

VISITA AO HORTO DO COLE

O grupo de compañeiras e compañeiros que participou na actividade de HORTO ESCOLAR durante o curso, dirixiron o  noso percorrido polo Horto de Ti e Ta con explicacións e detalles do seu funcionamento.

Faláronnos das normas de uso e comportamento, a elaboración do compost, déronnos unha breve explicación sobre plantas (partes, clasificación, usos...).

Paseamos e observamos os diferentes bancais.  

Clica nas imaxes para ver os álbumes

Agradecemos o voso esforzo e o tempo adicado ás exposicións realizadas con todos os grupos do cole.👏👏👏

VISITA AO MUSEO DE PONTEVEDRA

Que mellor maneira de celebrar o DÍA INTERNACIONAL DOS MUSEOS que visitando o MUSEO DE PONTEVEDRA?

 

Participamos nunha actividade titulada CAIXA DE FERRAMENTAS:

Un paseo pola Prehistoria.

Explicáronnos a evolución da tecnoloxía e o uso de diferentes materias primas e a súa transformación. Repasamos conceptos arqueolóxicos. Tocamos réplicas de obxectos expostos nas vitrinas. Manexamos información dos diferentes períodos da Prehistoria. Admiramos algunhas coleccións como o tesouro de Caldas. 

*Premendo nas imaxes podemos entrar nos álbumes.

PERCORRIDO POLO CENTRO HISTÓRICO DE PONTEVEDRA

Realizamos un roteiro polo centro histórico de Pontevedra dirixido por Raquel Abollo, guía turística do concello de Pontevedra.

Resultou moi entretido e cargado de anécdotas e curiosidades que non coñecíamos e agora podemos compartir coas nosas familias.  

*Premendo nas imaxes podemos entrar nos álbumes.

VISITA DE TERESA PORTELA E NOEL DOMÍNGUEZ

Hoxe gozamos dunha actividade moi especial en colaboración co Club Rotary que un ano máis colabora co noso cole no fomento de valores. 

Os grupos de 4º, 5º e 6º participamos nunha mesa redonda sobre valores deportivos coa presenza de dous deportistas de élite: TERESA PORTELA e NOEL DOMÍNGUEZ.

Nas nosas clases investigamos sobre a carreira deportiva de ambos, limos algunha das súas entrevistas e fixemos unha listaxe de preguntas con curiosidades sobre a súa vida e traxectoria.

Disfrutamos moito do encontro con estas dúas figuras do piragüismo internacional, unha medallista olímpica participante en seis Xogos Olímpicos e un subcampeón mundial que apunta lonxe.

Contestaron as nosas curiosidades e falaron de valores como o respecto, a colaboración, a constancia, a igualdade, a responsabilidade, o esforzo, o autocontrol...

Deixáronnos unha dedicatoria e posaron con todas e todos nós.👏👏👏

Premendo na imaxe entramos no álbum

CLUB DE LECTURA

Hoxe no recreo tivo lugar a xuntanza do Club de lectura de 3º e 4º que tiña como proposta o libro ANIMALIA. 4 GRIS de Xosé Tomás. Participamos un grupo importante de nenas e nenos que disfrutamos da lectura e das ilustracións deste divertido libro. 

Lembramos algúns dos momentos máis simpáticos, falamos da obra e recibimos un agasallo de Lampi, mascota da nosa biblioteca.

Clica na imaxe para ver as fotos do álbum

VISITA AO PAZO VISTA REAL

Hoxe foi un día moi especial. Viaxamos ata o concello de Vilanova de Arousa e visitamos o PAZO VISTA REAL.

Nada máis chegar, levamos unha enorme sorpresa cando vimos á profe Puri que esperaba para darnos unha cariñosa benvida. Acompañounos toda a xornada e disfrutamos falando con ela e intercambiando anécdotas.

Fixemos dous tipos de actividades: unha divertida visita teatralizada con percorrido pola finca do Pazo e unha visita ao invernadoiro con plantación de leitugas.

Entendemos o nome do Pazo cando observamos as vistas da contorna:

A familia Martínez foi a protagonista da visita teatralizada. D. Miguel e Dna. Margarita, antigos donos do Pazo foron os guías durante todo o percorrido. Pouco a pouco, foron incorporándose diferentes personaxes que nos achegaron informacións do patrimonio etnográfico, cultural e natural do Pazo Vista Real. Estivemos moi atentas e moi atentos a todas as explicacións. Houbo tamén tempo de merenda, de xogos no parque e de entretidos paseos polo labirinto.

No invernadoiro, plantamos leitugas que ao rematar a xornada puidemos levarnos para coidar na casa e ver como medran.

As actividades estiveron monitorizadas polo alumnado dos Obradoiros de Turismo e Xardinería do Pazo. Agradecemos a todo o persoal que nos acompañou, explicou e atendeu con mimo durante toda a visita. Parabéns!!! 👏👏👏

Unha aperta especial á profe Puri 😍😍😍

*Clicando nas imaxes podemos entrar nos diferentes álbumes e lembrar esta magnífica xornada.

MATILDA - libro, película e musical

Nas aulas de 4º traballamos o libro MATILDA de Roald Dahl. Buscamos información sobre o autor, o ilustrador e comentamos algúns capítulos. Comparamos a versión literaria, publicada por primeira vez en 1988, coa película estrenada no ano 1996 e o musical do ano 2022.

Preparamos uns marcapáxinas coa protagonista, inventamos lemas para fomentar a lectura e votamos o que máis nos gustou.

*Versión Draw my life

 

PLANTACIÓN NO MONTE DA FRACHA

E chegou o noso día, as nenas e os nenos de 1º e 4º de Primaria plantamos unha árbore  no monte de Fracha. Agora hai cen árbores máis no BOSQUE DA ESPERANZA...piñeiros, carballos, sobreiras ou bidueiros. Esperamos velos medrar e converterse nun auténtico e precioso bosque que levará a nosa marca.

Somos protagonistas dun proxecto que nos fixo moita ilusión e contribúe a favorecer o obxectivo 15 da AXENDA 2030:

 
Obxectivo 15

Xestionar sosteniblemente os bosques, loitar contra a desertificación, deter e investir a degradación das terras e frear a perda de biodiversidade

 

 

*Clicando nas imaxes podemos ver o álbum completo.

A noticia foi recollida por diferentes medios de comunicación:

Diario de Pontevedra 

Faro de Vigo

TVG 

VISITA AO XXIV SALÓN DO LIBRO DE PONTEVEDRA

 Hoxe visitamos o Salón do Libro de Pontevedra. Orbil, mascota do salón, agardaba na entrada para saudarnos.

Fixemos unha  visita guiada polos diferentes espazos e salas. Participamos con interese e ilusión das explicacións das monitoras e dos xogos propostos.

Buscamos  o traballo presentado polo noso cole e fixámonos especialmente nas páxinas de 4º.

 

A continuación, disfrutamos do espectáculo teatral  WOMBO COMBO da Compañía Galeatro. A obra moi entretida, levounos a reflexionar sobre acoso, videoxogos que "atrapan" e realidade virtual.

Durante os próximos días e ata o 7 de maio podemos visitar o Salón do Libro e participar de moitas actividades, obradoiros, contacontos e lecturas variadas.

O ano próximo máis...