8 M - POLA IGUALDADE

Nas nosas aulas traballamos arredor da celebración do 8M con diferentes textos (contos, biografías, noticias...), imaxes e videos.

Comezamos cun pequeno "experimento". Por sorteo 8 nenas e 8 nenos das dúas aulas de 4º debían realizar unha pequena tarefa proposta sen límite de tempo pola que percibirían un doce agasallo... A proposta foi gravada e presentada ás compañeiras e aos compañeiros. 

A partir do video, o debate estaba servido...falamos de tempos, competitividade, colaboración, desigualdade e brecha salarial. Comparamos o noso video con outras propostas da rede e tratamos de buscar paralelismos.

O máis importante reflexionar como acadar a igualdade e construír a unha sociedade máis xusta...comezando polo que temos máis cerca, as nosas familias e o noso cole.

EXPOSICIÓNS ORAIS

     

O luns 6 de marzo comeza a segunda ronda de exposicións orais nas aulas de 4º.  A montaxe estará na aula virtual e iranse incorporando as imaxes a medida que se fan as presentacións.

XADREZ CON RAFAEL NÚÑEZ

Hoxe recibimos con moita curiosidade e interese a visita de RAFAEL NÚÑEZ, autor dos cómics LOS REINOS DEL AJEDREZ.

Achegounos ao mundo do xadrez e comentounos datos, curiosidades e anécdotas sobre este xogo-deporte. Revisamos o papel de cada peza coas imaxes do cómic. Falamos da importancia e os valores que fomenta: constancia, paciencia, tolerancia, creatividade... Co xadrez sempre "gañamos ou aprendemos"

Agradecemos a súa charla e temos ilusión por seguir xogando e  aprendendo. 

CHARLA SOBRE DOMA NATURAL

Comezamos o mes de marzo cunha  charla moi interesante sobre a DOMA NATURAL a cargo de Aldara Urones da Asociación Cultural Ecuestre "A GRANXA DE FINA".

Aldara contounos con ilusión a súa participacion nun proxecto para fomentar o benestar animal que está en marcha en Agrovello na parroquia de Lourizán (a 5 Km do noso cole). Na doma natural, establécese unha relación entre cabalos e humanos sen violencia.

Amosamos moito interese e recollimos moitas curiosidades e  informacións sobre o mundo equino.

ADICADO A ROSALÍA

Recitado continuado dos seus poemas:

Plantación da flor pensamento no patio:

TEATRO NAUTILUS

Hoxe realizamos a  primera saída escolar deste curso fóra do recinto escolar. Estabamos moi ilusionadas e ilusionados.

 
Foi unha grande estrea porque asistimos na Sede Afundación á representación NAUTILUS, versión actual e comprometida da clásica novela de aventuras de Jules Verne, na que o capitán Nemo  e o profesor Aronax captan toda a nosa atención.

O espectáculo foi presentado pola Compañía valenciana "La Negra"  e destacamos a súa orixinal montaxe cunha iluminación e son moi especiais.

PROGRAMA AQUALOXÍA DE VIAQUA

Hoxe a "científica" Natalia presentounos o programa educativo de Viaqua con materiais dixitais e interactivos sobre contidos relacionados cos usos da auga, como chega a auga ás nosas casas, os tratamentos que recibe para que sexa potable ou para devolvela ao medio natural.

Vimos un curto explicativo, debatimos sobre os ciclos natural e urbano da auga, a importancia da auga, o cambio climático... Todo o alumnado participou en actividades interactivas.

EXPOSICIÓNS ORAIS - NOVEMBRO 2022

Compartimos a montaxe co resumo das presentacións realizadas nas  nosas aulas nas pasadas semanas.

Tema libre en lingua castelá ou galega.

Parabéns polo voso traballo!

25 N - CONTRA O MALTRATO DE XÉNERO

Esta semana reflexionamos sobre que é a violencia de xénero e algunhas das súas manifestacións.

Comezamos traballando cos seguintes contos:

 

Nas aulas de 3º, 4º, 5º e 6º recollimos verbas para montar un PASAPALABRAS moi especial.

Na aula de Música traballamos a canción La puerta violeta de Rozalén.

Hoxe, 25 de novembro, todo o centro realizou nunha actividade conxunta no patio.

OBRADOIRO SOBRE PREVENCIÓN DA DOR DE COSTAS

Hoxe asistimos con moito interese a un obradoiro formativo para previr a aparición de dor nas costas.

Estivo impartido pola fisioterapeuta Eva Mª Corral Solla do Centro de Saúde da Parda en colaboración co Servizo de Educación do noso concello.

Falamos da columna vertebral, das normas de hixiene postural, da alimentación saudable, das horas de descanso, do papel fundamental que ten a actividade física regular na prevención desta dor evitando o sedentarismo…

Trataremos de levar á práctica os consellos recibidos, especialmente os referidos a postura na cadeira, a revisión de mochilas e o axuste axeitado das mesmas.

ANTÍO CHEGOU AO CENTRO

 COMA TODOS OS CURSOS, ANTÍO XA CHEGOU AO COLEXIO PARA DAR COMEZO AO MAGOSTO.

IMOS INVESTIGAR, LER, DEBATER,... SOBRE O MAGOSTO. ESTE CURSO TRABALLAREMOS O MAGOSTO RELACIONADO COS XOGOS TRADICIONAIS.

LAMPI, DENDE A BIBLIOTECA, ACHÉGANOS LIBROS. XA ESTÁN EXPOSTOS PARA QUE POIDAMOS ESCOLLELOS.

 

UN CURSO CON MOITAS NOVIDADES

 COMEZAMOS CON TANTA ACTIVIDADE QUE NON TIVEMOS TEMPO DE RECOLLER AQUÍ TODO O QUE FIXEMOS.

DIRÉMOSVOS QUE ESTAMOS A TRABALLAR CUN PROXECTO SOBRE O CORPO HUMANO. QUEREDES AXUDARNOS COA INFORMACIÓN?

COMEZA UN NOVO CURSO

BENVIDAS E BENVIDOS A  4º!!!

O DÍA 8 DE SETEMBRO ESTAREMOS DE VOLTA NO COLEXIO. 

SUXESTIÓNS PARA O VERÁN 2022

Preme nos seguintes enlaces:

SUXESTIÓNS DE TRABALLO

SUXESTIÓNS LECTORAS

COMEZA O VERÁN

Últimas horas en TERCEIRO:

- Cantamos, bailamos,  merendamos, houbo sesión cine...

- Apertas, felicitacións e despedidas.

- O verán xa chegou...haberá diversión, lectura, diarios de verán, sol, praia, deporte e voltaremos, pero xa estaremos en CUARTO.

Ata sempre profe Puri!!! 😍😍😍

   

 FELICES  VACACIÓNS!!!
VÉMONOS   EN  SETEMBRO!

SAÍDA AOS MUÍÑOS DO BATÁN

 

ACOLLIDA EN 3º

As nenas e os nenos de 2º visitaron as clases de 3º como parte do PLAN DE ACOLLIDA. Tócanos ser anfitrioas e anfitrións, amosámoslles as aulas que ocuparán o próximo curso.

Ensinámoslles os nosos materiais: as libretas, os arquivadores, os  traballos, o globo terráqueo, os mapas, os nosos libros preferidos...os traballos de Plástica... 

Intentamos respostar as súas curiosidades. 

 

Tamén falamos das axendas de 3º e as diferenzas coas de 2º, sen esquecer que temos unha axenda de aula para anotar os avisos importantes a recordar.

 

Contáronnos a saída que fixeron a Apípolis hai uns días. Que ben explicado!!!👏👏👏

 

Compartimos unha sesión moi desexada despois dos meses que levamos sen poder xuntarnos pola pandemia.

Intercambiamos uns agasallos personalizados que nos fixeron moita ilusión.

Esperamos que lles gustará a visita e desexámoslles o mellor para o próximo curso.

VISITAMOS O HORTO ESCOLAR

Visitamos ao horto escolar xestionado polo alumnado de 6º e coordinado pola profe Maite Vázquez.

Dúas compañeiras e un compañeiro de 6º foron ensinando, pasiño a paso, todos os recunchos do horto. Comentaron como están distribuídas as bancadas, os etiquetados, os tipos de plantas e as súas características.

Falamos do composteiro no que colaboramos cos restos orgánicos durante todo o curso. Escoitamos con atención información sobre plantas ornamentais, aromáticas, tubérculos, hortalizas...

Foi unha visita moi enriquecedora e con sorpresa final 😉. Rematamos "levantando patacas" e levamos a mostra ás nosas casas.

Parabéns para todo o alumnado que traballou nesta experiencia, especialmente para o trío que nos atendeu. Encantounos!!! 👋👋👋

RECOLLIDA E BALANCE DE CURSO

Estes últimos días do curso recollemos e organizamos os  materias empregados durante o curso escolar 2021/2022.

Tamén  rematamos tarefas e ordenamos as actividades. Moitos traballos van xa para as nosas casas...outros seguirán no cole porque serán de utilidade no próximo curso.

Aproveitamos para facer balance, comentamos e avaliamos proxectos, ilusións, amizades, cumprimento de normas, logros...

 

EXPOSICIÓNS ORAIS NAS AULAS DE 3º

O día 18 de maio iniciamos un ciclo de exposicións con temas de Ciencias Sociais ou Ciencias da Natureza en lingua galega.

As exposicións foron individuais cunha duración máxima de dez minutos e podían acompañarse con fotos, esquemas, diapositivas, maquetas, presentacións PPT,  cartolinas-murais, libros ou contos...

A orde de participación realizouse por sorteo nas nosas aulas.

A listaxe dos temas foi moi variada, escoitamos con moita atención e aprendimos a ser un público entusiasta e respectuoso coas aportacións dos demais.

Compartimos as  imaxes das nosas exposicións: