A NOSA AMIGA: ELSA

CON TODO O QUE APRENDEMOS DE COMO É O NOSO CORPO POR DENTRO E POR FÓRA, COMPLETAMOS O NOSO BONECO. FOMOS POÑÉNDOLLE: MÚSCULOS, APARELLO CIRCULATORIO, APARELLO RESPIRATORIO, APARELLO DIXESTIVO, PEL, UN BEBÉ NA TRIPA.... DECIDIMOS QUE ÍA A SER UNHA MOZA, QUE ESTABA EMBARAZADA E QUE SE CHAMABA ELSA. VIMOS OS COIDADOS QUE NECESITA ELSA E NÓS PARA COIDAR O CORPO: ALIMENTACIÓN SA, FACER EXERCICIO, RESPIRAR AIRE LIMPO, HIXIENE, REVISIÓNS DO MÉDICO....

INVESTIGAMOS

PARA PODER POÑER OS DIFERENTES ÓRGANOS AO ESQUELETO NECESITAMOS INVESTIGAR: NOS LIBROS DA BIBLIOTECA, TRAENDO INFORMACIÓN DE CASA AO COLE E EXPLORANDO NO HOME DE PLÁSTICO.

O ESQUELETO BAILA

AO NOSO ESQUELETO GÚSTALLE MOITO BAILAR.

O NOSO ESQUELETO

CANDO O ESQUELETO, HUESITOS, CHEGOU Á NOSA CLASE QUIXEMOS FACER O NOSO PROPIO ESQUELETO CON "CANUTILLOS" DE PAPEL HIXIÉNICO. AO PRINCIPIO SÓ SAÍA EN PLANO, ERA DIFÍCIL POÑELO DE PÉ, PROBAMOS CON DIFERENTES MATERIAIS, PERO NON SE SOLUCIONOU ATA QUE PROBAMOS CON ARAME. VIMOS AS DIFERENTES PROPIEDADES DESTE MATERIAL. DESPOIS PUXÉMOSLLE TODOS OS ÓSOS AO NOSO ESQUELETO.

EXPERIMENTO INFLAR UN GLOBO

DESPOIS DE FACER PAN CON FERMENTO, FACEMOS UN EXPERIMENTO PARA OBSERVAR COMO RESPIRA ESTE FUNGO. COME O AZUCRE DISOLTO NA AUGA E RESPIRA CO2, ESTE GAS NON TEN ESPAZO NA BOTELLA E FAI QUE SE INFLE O GLOBO.

EXPERIMENTO CON FERMENTOS

NO NOSO LABORATORIO DE CIENTÍFICOS E CIENTÍFICAS FIXEMOS MOITOS EXPERIMENTOS, PARA COÑECER COMO OS MICROORGANISMOS PODEN AXUDAR AO CORPO OU TAMÉN COMO  O PODEN ATACAN. OS FUNGOS PARECÉRONNOS MOI INTERESANTES E ADEMAIS DE COÑECER A PENICILLIUM, TAMÉN QUIXEMOS VER, COMO OS FERMENTOS AXÚDANNOS NA ALIMENTACIÓN.

EXPERIMENTO DAS MANS LIMPIAS

DESPOIS DO EXPERIMENTO ANTERIOR,  NO QUE COMPROBAMOS COMO SE TRANSPORTAN OS MICROBIOS COAS MANS DUNS LUGARES A OUTROS, FACEMOS OUTRO EXPERIMENTO PARA COMPROBAR CAL É A MELLOR FORMA DE LAVAR AS MANS,  PARA NON CONTAXIARNOS COS MICROBIOS QUE TEMOS NELAS.
OLLADE O VIDEO:

EXPERIMENTO COA FARIÑA

DESPOIS DE FACER OS NOSOS EXPERIMENTOS PARA COÑECER AS BACTERIAS E OS FUNGOS BENEFICIOSOS PARA O NOSO CORPO,  E VER A TRAVÉS DO MICROSCOPIO A BACTERIAS COMO: LACTOBACILOS , ESTREPTOCOCCUS E FUNGOS COMO PENICILLIUM , ATREVÉMONOS COMO BOS CIENTÍFICOS E CIENTÍFICAS, A FACER OUTRO EXPERIMENTO, PARA COMPROBAR COMO ATRAVÉS DAS MANS TRANSPÓRTANSE OS MICROBIOS DUNS LUGARES A OUTROS.
OLLADE O VIDEO:

EXPERIMENTO CO PAN

GÚSTANOS O MUNDO DOS MIGROBIOS E COMO OS MICROORGANISMOS  PODEN SER BENEFICIOSOS OU PREXUDICIAIS PARA O NOSO CORPO.

FACEMOS UN NOVO EXPERIMENTO:  CON SEIS ANACOS DE PAN,  MOLLAMOS CON AUGA TRES E OS OUTROS TRES SECOS. METÉMOLOS CADA UN NUNHA BOLSA ETIQUETADA E COLOCÁMOLOS EN DIFERENTES LUGARES:

• BOLSA 1: PAN HÚMIDO, AO SOL 
• BOLSA 2: PAN SECO, AO SOL 
• BOLSA 3: PAN HÚMIDO, NO CAIXÓN ÁS ESCURAS. 
• BOLSA 4: PAN SECO, NO CAIXÓN ÁS ESCURAS. 
• BOLSA 5: PAN HÚMIDO NA NEVEIRA. 
• BOLSA 6: PAN SECO NA NEVEIRA.

O MOFO APARECE AO NOVENO DÍA,  NA BOLSA DO PAN HÚMIDO E CON SOL.

 CONCLUÍMOS: 

QUE O MOFO CRECE MELLOR NOS SITIOS HÚMIDOS E CON CLARIDADE DO SOL. 

ESTE É UN FUNGO QUE SE CHAMA PENICILLIUM, CON EL FAISE A PENICILINA QUE É UN ANTIBIÓTICO QUE MATA AS BACTERIAS.

OS ALIMENTOS PARA CONSERVARSE TEÑEN QUE ESTAR EN SITIOS FRÍOS, NA NEVEIRA.

EXPERIMENTO: AMORODOS E IOGUR

DESPOIS DE FACER O IOGUR NO NOSO LABORATORIO COMPROBAMOS QUE É NATURAL,  A ALGÚNS AMIGOS E AMIGAS GÚSTALLE MOITO O IOGUR DE AMORODOS. A PROFE PREGÚNTANOS COMO PODEMOS FACELO E FOMOS DANDO AS NOSAS RESPOSTAS.
 PUXÉMONOS A REALIZAR OUTRO EXPERIMENTO, CUN FINAL MOY APETITOSO. ESTABA BOÍSIMO!!

EXPERIMENTO DAS BACTERIAS E O LEITE

APRENDEMOS QUE AS BACTERIAS BENEFICIOSAS ÚSANSE NA ELABORACIÓN DALGÚNS ALIMENTOS: QUEIXO, IOGUR, MANTEIGA... CONVÉRTESE UN PRODUTO NATURAL COMO O LEITE NUN PRODUTO DE FERMENTACIÓN.

DESPOIS DE VER AS BACTERIAS DO IOGUR NO MICROSCOPIO DO NOSO LABORATORIO DE CLASE, A PROFE FÍXONOS PREGUNTAS COMO: PARA FACER O IOGUR,  O LEITE TEN QUE ESTAR QUENTE OU FRÍO; MOI QUENTE OU TEMPERADO; TEN QUE LEVAR BACTERIAS; OU SÓ LEITE CON AZUCRE.

FOMOS DANDO AS NOSAS RESPOSTAS ÁS PREGUNTAS,  FACENDO AS NOSAS HIPÓTESES.

PUXÉMONOS A FACER O EXPERIMENTO NO NOSO LABORATORIO COMO UNHOS BOS CIENTÍFICOS  E CIENTÍFICAS:

1. PESAMOS OS CARTÓNS DE LEITE, MEDIMOS NUN ENVASE DE MEDIO LITRO E NUN DUN LITRO PARA VER ONDE ENTRABA O CONTIDO DE CADA CARTÓN. AO LEITE BOTÁMOSLLE AZUCRE
2.  REPARTIMOS O LEITE EN TRES ENVASES.
3. NUN POÑEMOS CULLERADAS DUN IOGUR (BACTERIAS), REMOVÉMOLO E METÉMOLO NA IOGUREIRA PARA QUE TEÑA CALOR, COMPROBAMOS QUE A TEMPERATURA DO LEITE DENTRO DA IOGUREIRA É DE 43º C.
4.  NOUTRO ENVASE AO LEITE TAMÉN LLE BOTAMOS BACTERIAS PERO NON O METEMOS NA IOGUREIRA (SEN CALOR).
5. NO TERCEIRO ENVASE AO LEITE  NON LLE  BOTAMOS BACTERIAS, PERO SE O  METEMOS NA IOGUREIRA (CON CALOR).
6. ETIQUETAMOS OS TRES ENVASES E ESPERAMOS 24 HORAS.

COMPROBAMOS QUE O LEITE QUE TEN BACTERIAS E CALOR DA IOGUREIRA CONVERTEUSE EN IOGUR.  QUE NOS OUTROS DOUS ENVASES SÓ HAI LEITE NON IOGUR.

CONCLUÍMOS QUE PARA TRANSFORMARSE O LEITE EN IOGUR TEN QUE TER BACTERIAS E CALOR (UN POUQUIÑO MÁIS QUE TEMPERADO,  43º C.). TAMÉN APRENDEMOS QUE AS BACTERIAS  MULTIPLÍCANSE CON MÁIS FACILIDADE SE TEÑEN UN POUCO DE CALOR.

OBSERVAMOS AS BACTERIAS DO NOSO IOGUR NO MICROSCOPIO.

COMÉMOS O NOSO IOGUR. 

ESTABA RIQUÍSIMO!!

OLLADE O VIDEO:

CIENTÍFICOS E CIENTÍFICAS

PARA COMPRENDER MELLOR O MUNDO DOS MICROORGANISMOS OU MICROBIOS, COMEZAMOS A PENSAR QUE ACTIVIDADES FACER, UN AMIGO DIXO QUE PODIAMOS IR AO LABORATORIO, PERO A PROFE EXPLICOUNOS QUE O LABORATORIO ESTÁ OCUPADO POLAS OBRAS DO COLE. ENTÓN A ALGUÉN SE LLE OCORREU QUE PODIAMOS FACER UN LABORATORIO NA CLASE. E AO CHOIO, PENSAMOS COMO FACELO E QUE MATERIAIS POÑER, TAMÉN COMO DEBERIAMOS IR VESTIDOS OS TRABALLADORES DO LABORATORIO, QUE INVESTIGAMOS QUE SE CHAMABAN CIENTÍFICOS E CIENTÍFICAS. DURANTE UNS DÍAS BUSCAMOS INFORMACIÓN DO QUE FACÍAN OS CIENTÍFICOS E COMO O FACÍAN. E POUCO A POUCO FÓMONOS ACHEGANDO AO MÉTODO CIENTÍFICO COS NOSOS EXPERIMENTOS.

 XA SOMOS CIENTÍFICOS E CIENTÍFICAS NO NOSO LABORATORIO!! OLLANDE O VIDEO:

APÓCEMA PARA MEDRAR (4 ANOS B.)

CO SANMAIN,  O MUNDO DA MAXIA ESTIVO PRESENTE NA NOSA CLASE DURANTE VARIAS SEMANAS, NAS QUE REALIZAMOS VARIAS APÓCEMAS CON DIFERENTES INGREDIENTES: LÍQUIDAS, SÓLIDAS, IMAXINARIAS... E CON DISTINTOS TEMAS: PARA ESTAR CONTENTOS, PARA NON TER MEDO, PARA PORTARNOS BEN, PARA CURAR FERIDAS, PARA TRANSFORMARNOS EN DIFERENTES PERSONAXES E ANIMAIS...

TAMÉN BEBEMOS UNHA QUE NOS ENCANTOU "A APÓCEMA PARA MEDRAR". ESTÁ OCORRÉUSENOS PORQUE COMO ESTAMOS A TRABALLAR O PROXECTO DO COIDADO DO NOSO CORPO PENSAMOS QUE PODIAMOS FACER UNHA APÓCEMA PARA QUE OS NOSOS ÓSOS MEDRARAN. NON PODÍA FALTAR O INGREDIENTE FUNDAMENTAL PARA OS NOSOS ÓSOS, O LEITE DE VACA.

 ESTABA RIQUÍSIMA!!

BOTÁDELLE UNHA OLLADA O VIDEO

O PROXECTO EN 4 ANOS B,

OS NENOS E NENAS DE 4 ANOS B. DESPOIS DE IR Á FÁBRICA DE CLESA EMPEZAMOS O PRIMEIRO PROXECTO DESTE CURSO.

UN DÍA UN AMIGO TRÓUXONOS A CLASE AS BACTERIAS COAS QUE SE FAI O IOGUR, INTERESOUNOS TANTO ESTE TEMA QUE MOITOS E MOITAS DE NÓS COMEZAMOS A TRAER A CLASE DEBUXOS E INFORMACIÓN DE BACTERIAS, VIRUS E FUNGOS, ISTO LEVOUNOS A TRABALLAR SOBRE OS MICROORGANISMOS OU MICROBIOS: COMO SON, A SÚA FORMA, COR.... ONDE VIVEN E COMO AXUDAN AO NOSO CORPO E TAMÉN COMO O PREXUDICAN.

UN DÍA UNHA AMIGA DÍXONOS QUE OS VIRUS VIVEN DENTRO DAS CÉLULAS.  E QUE SERÁ ISTO DAS CÉLULAS? ASÍ EMPEZAMOS A INVESTIGAR,  ISTO LEVOUNOS A VER QUE O NOSO CORPO ESTÁ COMPOSTO DE CÉLULAS E QUE AS CÉLULAS FORMAN TODAS AS PARTES DO NOSO CORPO.

UN AMIGO DA CLASE ROMPEU UN BRAZO E CONTOUNOS QUE ROMPEU O RADIO E O CUBITO. QUE SIGNIFICABAN ESES NOMES? DESCUBRIMOS QUE ERAN DOUS ÓSOS QUE ESTABAN NO BRAZO. ASÍ VIMOS QUE AS CÉLULAS TAMÉN FORMAN AOS NOSOS ÓSOS. 

 AHORA ESTAMOS A BUSCAR INFORMACIÓN   SOBRE TODO ISTO. PERO PARA INVESTIGAR MELLOR CONVERTÉMONOS EN CIENTÍFICOS E CIENTÍFICAS E MONTAMOS UN LABORATORIO EN CLASE PARA FACER EXPERIMENTOS QUE NOS AXUDAN A COMPRENDER MELLOR COMO AFECTAN OS MICROBIOS AO NOSO  CORPO.

 DURANTE OS PRÓXIMOS DÍAS POÑERÉMOSVOS UNHAS PRESENTACIÓNS SOBRE ALGÚNS TRABALLOS QUE REALIZAMOS, NON PUIDEMOS POÑELAS ANTES PORQUE TIVEMOS UN PROBLEMA COAS FOTOS E COS VÍDEOS, ESTAMOS A TENTAR ARRANXALO, CANDO OS TEÑAMOS, CONVIDARÉMOSVOS A VELOS.