EXPERIMENTO DAS MANS LIMPIAS

DESPOIS DO EXPERIMENTO ANTERIOR,  NO QUE COMPROBAMOS COMO SE TRANSPORTAN OS MICROBIOS COAS MANS DUNS LUGARES A OUTROS, FACEMOS OUTRO EXPERIMENTO PARA COMPROBAR CAL É A MELLOR FORMA DE LAVAR AS MANS,  PARA NON CONTAXIARNOS COS MICROBIOS QUE TEMOS NELAS.
OLLADE O VIDEO:

EXPERIMENTO COA FARIÑA

DESPOIS DE FACER OS NOSOS EXPERIMENTOS PARA COÑECER AS BACTERIAS E OS FUNGOS BENEFICIOSOS PARA O NOSO CORPO,  E VER A TRAVÉS DO MICROSCOPIO A BACTERIAS COMO: LACTOBACILOS , ESTREPTOCOCCUS E FUNGOS COMO PENICILLIUM , ATREVÉMONOS COMO BOS CIENTÍFICOS E CIENTÍFICAS, A FACER OUTRO EXPERIMENTO, PARA COMPROBAR COMO ATRAVÉS DAS MANS TRANSPÓRTANSE OS MICROBIOS DUNS LUGARES A OUTROS.
OLLADE O VIDEO:

EXPERIMENTO CO PAN

GÚSTANOS O MUNDO DOS MIGROBIOS E COMO OS MICROORGANISMOS  PODEN SER BENEFICIOSOS OU PREXUDICIAIS PARA O NOSO CORPO.

FACEMOS UN NOVO EXPERIMENTO:  CON SEIS ANACOS DE PAN,  MOLLAMOS CON AUGA TRES E OS OUTROS TRES SECOS. METÉMOLOS CADA UN NUNHA BOLSA ETIQUETADA E COLOCÁMOLOS EN DIFERENTES LUGARES:

• BOLSA 1: PAN HÚMIDO, AO SOL 
• BOLSA 2: PAN SECO, AO SOL 
• BOLSA 3: PAN HÚMIDO, NO CAIXÓN ÁS ESCURAS. 
• BOLSA 4: PAN SECO, NO CAIXÓN ÁS ESCURAS. 
• BOLSA 5: PAN HÚMIDO NA NEVEIRA. 
• BOLSA 6: PAN SECO NA NEVEIRA.

O MOFO APARECE AO NOVENO DÍA,  NA BOLSA DO PAN HÚMIDO E CON SOL.

 CONCLUÍMOS: 

QUE O MOFO CRECE MELLOR NOS SITIOS HÚMIDOS E CON CLARIDADE DO SOL. 

ESTE É UN FUNGO QUE SE CHAMA PENICILLIUM, CON EL FAISE A PENICILINA QUE É UN ANTIBIÓTICO QUE MATA AS BACTERIAS.

OS ALIMENTOS PARA CONSERVARSE TEÑEN QUE ESTAR EN SITIOS FRÍOS, NA NEVEIRA.

EXPERIMENTO: AMORODOS E IOGUR

DESPOIS DE FACER O IOGUR NO NOSO LABORATORIO COMPROBAMOS QUE É NATURAL,  A ALGÚNS AMIGOS E AMIGAS GÚSTALLE MOITO O IOGUR DE AMORODOS. A PROFE PREGÚNTANOS COMO PODEMOS FACELO E FOMOS DANDO AS NOSAS RESPOSTAS.
 PUXÉMONOS A REALIZAR OUTRO EXPERIMENTO, CUN FINAL MOY APETITOSO. ESTABA BOÍSIMO!!

EXPERIMENTO DAS BACTERIAS E O LEITE

APRENDEMOS QUE AS BACTERIAS BENEFICIOSAS ÚSANSE NA ELABORACIÓN DALGÚNS ALIMENTOS: QUEIXO, IOGUR, MANTEIGA... CONVÉRTESE UN PRODUTO NATURAL COMO O LEITE NUN PRODUTO DE FERMENTACIÓN.

DESPOIS DE VER AS BACTERIAS DO IOGUR NO MICROSCOPIO DO NOSO LABORATORIO DE CLASE, A PROFE FÍXONOS PREGUNTAS COMO: PARA FACER O IOGUR,  O LEITE TEN QUE ESTAR QUENTE OU FRÍO; MOI QUENTE OU TEMPERADO; TEN QUE LEVAR BACTERIAS; OU SÓ LEITE CON AZUCRE.

FOMOS DANDO AS NOSAS RESPOSTAS ÁS PREGUNTAS,  FACENDO AS NOSAS HIPÓTESES.

PUXÉMONOS A FACER O EXPERIMENTO NO NOSO LABORATORIO COMO UNHOS BOS CIENTÍFICOS  E CIENTÍFICAS:

1. PESAMOS OS CARTÓNS DE LEITE, MEDIMOS NUN ENVASE DE MEDIO LITRO E NUN DUN LITRO PARA VER ONDE ENTRABA O CONTIDO DE CADA CARTÓN. AO LEITE BOTÁMOSLLE AZUCRE
2.  REPARTIMOS O LEITE EN TRES ENVASES.
3. NUN POÑEMOS CULLERADAS DUN IOGUR (BACTERIAS), REMOVÉMOLO E METÉMOLO NA IOGUREIRA PARA QUE TEÑA CALOR, COMPROBAMOS QUE A TEMPERATURA DO LEITE DENTRO DA IOGUREIRA É DE 43º C.
4.  NOUTRO ENVASE AO LEITE TAMÉN LLE BOTAMOS BACTERIAS PERO NON O METEMOS NA IOGUREIRA (SEN CALOR).
5. NO TERCEIRO ENVASE AO LEITE  NON LLE  BOTAMOS BACTERIAS, PERO SE O  METEMOS NA IOGUREIRA (CON CALOR).
6. ETIQUETAMOS OS TRES ENVASES E ESPERAMOS 24 HORAS.

COMPROBAMOS QUE O LEITE QUE TEN BACTERIAS E CALOR DA IOGUREIRA CONVERTEUSE EN IOGUR.  QUE NOS OUTROS DOUS ENVASES SÓ HAI LEITE NON IOGUR.

CONCLUÍMOS QUE PARA TRANSFORMARSE O LEITE EN IOGUR TEN QUE TER BACTERIAS E CALOR (UN POUQUIÑO MÁIS QUE TEMPERADO,  43º C.). TAMÉN APRENDEMOS QUE AS BACTERIAS  MULTIPLÍCANSE CON MÁIS FACILIDADE SE TEÑEN UN POUCO DE CALOR.

OBSERVAMOS AS BACTERIAS DO NOSO IOGUR NO MICROSCOPIO.

COMÉMOS O NOSO IOGUR. 

ESTABA RIQUÍSIMO!!

OLLADE O VIDEO:

CIENTÍFICOS E CIENTÍFICAS

PARA COMPRENDER MELLOR O MUNDO DOS MICROORGANISMOS OU MICROBIOS, COMEZAMOS A PENSAR QUE ACTIVIDADES FACER, UN AMIGO DIXO QUE PODIAMOS IR AO LABORATORIO, PERO A PROFE EXPLICOUNOS QUE O LABORATORIO ESTÁ OCUPADO POLAS OBRAS DO COLE. ENTÓN A ALGUÉN SE LLE OCORREU QUE PODIAMOS FACER UN LABORATORIO NA CLASE. E AO CHOIO, PENSAMOS COMO FACELO E QUE MATERIAIS POÑER, TAMÉN COMO DEBERIAMOS IR VESTIDOS OS TRABALLADORES DO LABORATORIO, QUE INVESTIGAMOS QUE SE CHAMABAN CIENTÍFICOS E CIENTÍFICAS. DURANTE UNS DÍAS BUSCAMOS INFORMACIÓN DO QUE FACÍAN OS CIENTÍFICOS E COMO O FACÍAN. E POUCO A POUCO FÓMONOS ACHEGANDO AO MÉTODO CIENTÍFICO COS NOSOS EXPERIMENTOS.

 XA SOMOS CIENTÍFICOS E CIENTÍFICAS NO NOSO LABORATORIO!! OLLANDE O VIDEO:

APÓCEMA PARA MEDRAR (4 ANOS B.)

CO SANMAIN,  O MUNDO DA MAXIA ESTIVO PRESENTE NA NOSA CLASE DURANTE VARIAS SEMANAS, NAS QUE REALIZAMOS VARIAS APÓCEMAS CON DIFERENTES INGREDIENTES: LÍQUIDAS, SÓLIDAS, IMAXINARIAS... E CON DISTINTOS TEMAS: PARA ESTAR CONTENTOS, PARA NON TER MEDO, PARA PORTARNOS BEN, PARA CURAR FERIDAS, PARA TRANSFORMARNOS EN DIFERENTES PERSONAXES E ANIMAIS...

TAMÉN BEBEMOS UNHA QUE NOS ENCANTOU "A APÓCEMA PARA MEDRAR". ESTÁ OCORRÉUSENOS PORQUE COMO ESTAMOS A TRABALLAR O PROXECTO DO COIDADO DO NOSO CORPO PENSAMOS QUE PODIAMOS FACER UNHA APÓCEMA PARA QUE OS NOSOS ÓSOS MEDRARAN. NON PODÍA FALTAR O INGREDIENTE FUNDAMENTAL PARA OS NOSOS ÓSOS, O LEITE DE VACA.

 ESTABA RIQUÍSIMA!!

BOTÁDELLE UNHA OLLADA O VIDEO

CENTRO DE INTERESE: "O MEDO" (4 ANOS B)

CON MOTIVO DO SANMAIN, TRABALLAMOS UNHA DAS EMOCIÓNS BÁSICAS, O MEDO. FALAMOS DOS NOSOS MEDOS E COMO NOS FAN SENTIR. TROUXEMOS DIFERENTES MANUALIDADES E DEBUXOS DA CASA, DE COUSAS QUE NOS DAN MEDO: CABAZAS, MORCEGOS, BRUXAS, PANTASMAS, GORROS DE BRUXA, ARAÑAS, ESQUELETOS, MÁSCARAS DE MONSTROS… 

DECIDIMOS TRANSFORMAR O RECUNCHO DAS LETRAS E CONVERTELO NO RECUNCHO DO MEDO, ERA MOI DIVERTIDO XOGAR NEL: DISFRAZARNOS DE DIFERENTES PERSOAXES (BRUXAS E BRUXOS, ARAÑAS, PANTASMAS... ); FACER APÓCEMAS MÁXICAS E COS SEUS CONXUROS TRANSFORMARNOS EN: SAPOS, SERPES, LOBOS, GATOS NEGROS, PANTASMAS, VER LIBROS DE MEDO E XOGAR COAS COUSAS QUE TROUXEMOS DA CASA… NO RECANTO DE ARTISTAS PICAMOS E DEBUXAMOS ESQUELETOS E PUXEMOSLLES OSOS, E TAMÉN OS FIXEMOS CON PLASTILINA.

  TODOS XUNTOS NA ALFOMBRA ESCOITAMOS E INVENTAMOS VARIOS CONTOS DE MEDO, ALGÚNS DELES NA PENUMBRA; CANTAMOS E BAILAMOS CANCIÓNS; ESCRIBIMOS E DEBUXAMOS SOBRE ESTA SENSACIÓN; ENCANTOUNOS FACER APÓCEMAS E INVENTAR CONXUROS... 

 O OBXECTIVO PRINCIPAL DE ESTA UNIDADE É: SER CAPACES DE EXPRESAR OS SEUS MEDOS E XOGAR CON TODO O QUE POIDA ATEMORIZARLLES, PARA QUE NO MOMENTO QUE A SENSACIÓN DESAGRADABLE LLES ABÓRDE, LEMBREN OS XOGOS DE CLASE, OS DEBUXOS DIVERTIDOS, AS BROMAS… E DALGUNHA FORMA, ATOPEN A VOLTA Á CALMA.

PASÁMOLO XENIAL!!  

 BOTÁDELLE UNHA OLLADA  AO VIDEO!!

O SAMAÍN NA AULA DE 4 ANOS A

QUE É O SAMAÍN? PREGUNTOU ANTÍO. OS NENOS E NENAS PUXÉRONSE A INVESTIGAR E TROUXERON INFORMACIÓN DOS ANCESTROS CELTAS, UN NENO TROUXO UN CASTRO, OUTRO FOI COS SEUS PAIS VER OS CASTROS DE SANTA TECLA. A PARTIR DESE MOMENTO TODOS OS DÍAS FORON TRAENDO COUSIÑAS PROPIAS DESTA CELEBRACIÓN: DEBUXOS, CABAZAS, FANTASMAS, MORCEGOS, ARAÑAS, SOMBREIROS, MOMIAS, CONTOS... COS QUE FOMOS DECORANDO A AULA. COMO ESTABAMOS TRABALLANDO O CORPO FIXEMOS ESQUELETES E APRENDEMOS O NOME DOS ÓSOS, TAMÉN CANTAMOS A CANTIGA DE MILIKI. FIXEMOS VIRUS MONSTRUOSOS CON SOPRADO DE PALLA. CONTAMOS CONTOS DE MEDO, OS QUE MÁIS NOS GUSTARON FORON "CORRE, CORRE CABACIÑA" E "O MONSTRO DE CORES". INÉS ENSINOUNOS UN CONTO DE MEDO TERRORÍFICO DUN VAMPIRO. E MOITAS OUTRAS COUSAS MÁIS QUE XA VOS CONTAMOS NOUTRAS ENTRADAS. ¿FOI UN SAMAÍN MOI DIVERTIDO!! ¡ BOTÁDELLE UN OLLO O VÍDEO!

POCIÓNS EMOCIONANTES (4 ANOS A.)

APROVEITANDO A TEMÁTICA DO SAMAÍN E A MAXIA QUE XURIU ARREDOR DAS MEIGAS E DOS MAGOS DECIDIMOS ESCRIBIR, FACER E PROBAR POCIÓNS EMOCIONANTES. A PRIMEIRA, UNHA POCIÓN DE AMOR PARA DAR BICOS E SER NAMORADEIRO. A SEGUNDA, UNHA POCIÓN DE ALEGRÍA PARA RIR E DIVERTIRSE TODO O DÍA. A TERCEIRA, UNHA POCIÓN DE MEDO PARA TREMER E AMEDRENTARSE. TAMÉN ELABORAMOS O SEU ANTÍDOTO, A POCIÓN QUITAMEDOS. A CUARTA, A POCIÓN DA TRANQUILIDADE PARA ESTAR CALMADO E RELAXADO. REMATAMOS ESTA EXPERIENCIA COA QUINTA, A POCIÓN DO FUTURO COA QUE LEMOS NO LEITE COMO SERÍA A NOSA VIDA DE MAIORES GRAZAS AO INGREDIENTE MÁXICO, O MOCO DE BRUXA. PODEDES BOTARLLE UN OLLO OS VÍDEOS!!!

O FANTASMA COMEMEDOS

DURANTE O MES DE OUTUBRO E NOVEMBRO TRABALLAMOS UNHA DAS EMOCIÓNS BÁSICAS "O MEDO". OS PEQUENOS E AS PEQUENAS DE 4 ANOS MANIFESTARON ORALMENTE OS SEUS MEDOS: A ESCURIDADE, O LUME, AS ARAÑAS, AS BRUXAS, AS FANTASMAS, AS SERPES, OS MONSTROS, OS BICHOS, MORCEGOS... FALAMOS SOBRE SE ERAN MEDOS REAIS OU IRREAIS, COMO NOS FACÍAN SENTIR, SE ERAN MEDOS SUPERABLES OU NON... TAMÉN OS DEBUXAMOS. COMO ANDABAMOS CO SAMAÍN E AS POCIÓNS OCORREUSENOS QUE PODÍAMOS FACER UNHA FANTASMA QUE COMERA TODOS OS NOSOS MEDOS. PINTAMOS UNHA FANTASMA XIGANTE E DESPOIS DÉMOSLLE A COMER TODOS OS NOSOS MEDOS. FOI MOI DIVERTIDO!! BOTÁDELLE UNHA OLLADA O VÍDEO E COMPROBÁDEO!!!

SAMAÍN 2017

ESTE ANO ANTÍO CONVIDOUNOS A CELEBRAR O SAMAÍN E FOI MOI DIVERTIDO. POUCO A POUCO FORON APARECENDO ELEMENTOS DECORATIVOS MEDOÑENTOS. TAMÉN FIXEMOS POCIÓNS, CANTAMOS CANTIGAS E LEMOS CONTOS DE MEDO. AS FAMILIAS TAMÉN PARTICIPARON, FIXERON COS NENOS E NENAS GORROS DE BRUXA NA CASA E LOGO ORGANIZAMOS UN DESFILE NO COLE PARA VELOS.
DESPOIS DO DESFILE FIXEMOS O MAGOSTO. PACO E OS NENOS E NENAS MAIORES ASARON CASTAÑAS PARA TODOS E TODAS.
REMATAMOS O DÍA CUN OBRADOIRO DE MAQUILLAXE MONSTRUOSO DE FANTASMAS, MORCEGOS, ARAÑAS...

O PROXECTO EN 4 ANOS B,

OS NENOS E NENAS DE 4 ANOS B. DESPOIS DE IR Á FÁBRICA DE CLESA EMPEZAMOS O PRIMEIRO PROXECTO DESTE CURSO.

UN DÍA UN AMIGO TRÓUXONOS A CLASE AS BACTERIAS COAS QUE SE FAI O IOGUR, INTERESOUNOS TANTO ESTE TEMA QUE MOITOS E MOITAS DE NÓS COMEZAMOS A TRAER A CLASE DEBUXOS E INFORMACIÓN DE BACTERIAS, VIRUS E FUNGOS, ISTO LEVOUNOS A TRABALLAR SOBRE OS MICROORGANISMOS OU MICROBIOS: COMO SON, A SÚA FORMA, COR.... ONDE VIVEN E COMO AXUDAN AO NOSO CORPO E TAMÉN COMO O PREXUDICAN.

UN DÍA UNHA AMIGA DÍXONOS QUE OS VIRUS VIVEN DENTRO DAS CÉLULAS.  E QUE SERÁ ISTO DAS CÉLULAS? ASÍ EMPEZAMOS A INVESTIGAR,  ISTO LEVOUNOS A VER QUE O NOSO CORPO ESTÁ COMPOSTO DE CÉLULAS E QUE AS CÉLULAS FORMAN TODAS AS PARTES DO NOSO CORPO.

UN AMIGO DA CLASE ROMPEU UN BRAZO E CONTOUNOS QUE ROMPEU O RADIO E O CUBITO. QUE SIGNIFICABAN ESES NOMES? DESCUBRIMOS QUE ERAN DOUS ÓSOS QUE ESTABAN NO BRAZO. ASÍ VIMOS QUE AS CÉLULAS TAMÉN FORMAN AOS NOSOS ÓSOS. 

 AHORA ESTAMOS A BUSCAR INFORMACIÓN   SOBRE TODO ISTO. PERO PARA INVESTIGAR MELLOR CONVERTÉMONOS EN CIENTÍFICOS E CIENTÍFICAS E MONTAMOS UN LABORATORIO EN CLASE PARA FACER EXPERIMENTOS QUE NOS AXUDAN A COMPRENDER MELLOR COMO AFECTAN OS MICROBIOS AO NOSO  CORPO.

 DURANTE OS PRÓXIMOS DÍAS POÑERÉMOSVOS UNHAS PRESENTACIÓNS SOBRE ALGÚNS TRABALLOS QUE REALIZAMOS, NON PUIDEMOS POÑELAS ANTES PORQUE TIVEMOS UN PROBLEMA COAS FOTOS E COS VÍDEOS, ESTAMOS A TENTAR ARRANXALO, CANDO OS TEÑAMOS, CONVIDARÉMOSVOS A VELOS.

EXPERIMENTAMOS COA MEDIDA

DESPOIS DE ORDEÑAR A MARGARITA CALCULAMOS A OLLO CANTO LEITE NOS DERA.
FIXÉRONSE VARIAS HIPÓTESIS EN GRAOS E EN QUILOS.
MOMENTO NO QUE DECIDIMOS QUE ERA NECESARIO EXPERIMENTAR COS LÍQUIDOS A MEDIDA DO LITRO E DO MEDIO LITRO.
AQUÍ VOS DEIXAMOS UN VÍDEO COA NOSA EXPERIENCIA. BOTÁDELLE UN OLLO!!

ORDEÑAMOS A MARGARITA

CHEGOU O GRAN MOMENTO!!!  PARA O CAL PRECISAMOS DUN POUCO DE MAXIA. COMO SE ESTÁ ACHEGANDO O SAMAÍN FIXEMOS UNHA PEQUENA POCIÓN PARA  MARGARITA  A BASE HERBA SECA CON POLBOS MÁXICOS   E  UN PEQUENO CONXURO PARA IR PRACTICANDO QUE DICÍA ASÍ :
PIS, PIS, PAS
PIS, PIS, PUS
QUE MARGARITA
DEA LEITE MAÑÁ.
A NOSA SORPRESA FOI QUE CANDO CHEGAMOS A MAÑÁ SEGUINTE AO COLE MARGARITA TIÑA OS UBRES CHEOS DE LEITE, ASÍ QUE PUXÉMONOS A ORDEÑAR. PODEDES BOTARLLE UN OLLO O VÍDEO SOMOS UNS EXPERTOS!!

O SAMAÍN

ANTÍO QUERE CELEBRAR O SAMAÍN, ASÍ QUE IMOS VER QUE É ISO E COMO SE CELEBRA.

A NOSA VACA CHÁMASE MARGARITA

UNHA VEZ PINTADA E REMATADA A VACA DECIDIMOS POÑERLLE NOME.
BARALLAMOS MOITAS OPCIÓNS QUE SI: FLOR, CHENOA, ROSI, MARGARITA, MARELA, CAMPANILLA, AMAPOLA, PINTA...
DESPOIS DE VARIAS VOTACIÓNS AS SEMIFINALISTAS FORON ROSI, MARGARITA E MARELA.
NA DERRADEIRA VOTACIÓN GAÑOU CON MOITA VANTAXE  MARGARITA.
AGORA QUE XA TEN NOME A NOSA VACA IMOS DARLLE DE COMER UNHA BOA HERBA PARA QUE NOS DEA UN LEITE MOI RICO.

COMO SE FAI UNHA VACA?

 DESPOIS DE VISITAR A FÁBRICA DE CLESA, COMEZAMOS A INVESTIGAR NA CASA SOBRE A ORIXE DO LEITE, A COMPOSICIÓN, OS SEUS  DERIVADOS, ELABORACIÓN DOS MESMOS, COMO CHEGAN ESTES PRODUTOS AS NOSAS CASAS, ETC. CON TODA ESTA INFORMACIÓN ESTAMOS ELABORANDO UN TABOLEIRO.
NESTES PRIMEIROS MOMENTOS DE MOTIVACIÓN, OS NENOS E NENAS COMEZARON A TRAER   TAMÉN VACAS, BOIS E BECERROS. NESTE PUNTO XURDIU O SEU INTERESE POLO ORDEÑO E  DECIDIRON QUE   QUERÍAN ORDEÑAR. DESPOIS DE FACER ALGUNHAS PROPOSTAS PARA DARLLE SOLUCIÓN A ESTA INQUEDANZA ACORDARON FACER UNHA VACA E ORDEÑALA NO COLE.
AQUÍ VOS DEIXAMOS UN VÍDEO CO PROCESO DE CONSTRUCIÓN DA NOSA VACA, QUE POR CERTO, DECIDIRON QUE SERÍA LEITEIRA E, POLO TANTO, DE ORIXE FRISONA.

DIARIOS DO VERÁN

ESTES DÍAS REMATAMOS DE VER TODOS OS DIARIOS DO VERÁN. FOI UN PRACER CONTAR COA COLABORACIÓN DAS FAMILIAS NESTA ACTIVIDADE. GRAZAS A ELES OS NENOS E AS NENAS PUIDERON CONTAR MOITAS DAS SÚAS EXPERIENCIAS DO VERÁN CON APOIO VISUAL DE FOTOGRAFÍAS, DEBUXOS E PEGATINAS.  PUIDEMOS COMPROBAR QUE FOI UN VERÁN MOI PROVEITOSO:  PRAIA, CAMPING, PISCINA, LUDOTECAS, CUMPLES, VISITAS A MUSEOS- ACUARIOS- ZOOLÓXICOS, DIVERSOS FESTEXOS LOCAIS...
GRAZAS A TODOS E A TODAS POR COMPARTIR CON NÓS ESTOS MOMENTOS.

ANTÍO XA ESTÁ NO COLEXIO

ESTA SEMANA APARECEU ANTÍO ONDA A BIBLIOTECA.
NA CLASE DEIXOUNOS UNHA CARTA NUN SOBRE NEGRO CON ADORNIÑOS...
QUERE QUE INVESTIGUEMOS SOBRE O SAMAÍN.

O CASO É QUE NO MEDIO DA SEMANA PUXO UN SOMBREIRO DE BRUXA... PORÁ ALGO MÁIS?