FELIZ 2022!

 DESPOIS DUN TRIMESTRE MOI EMOCIONANTE IMOS DE VACACIÓN!

BO 2022 PARA TODAS E TODOS!

CHARLA SOBRE "SAÚDE, ALIMENTACIÓN E ACTIVIDADE FÍSICA"

Asistimos a un obradoiro sobre saúde, deporte e alimentación. A actividade foi presentada polo concelleiro de Educación e Deporte, Tino Fernández, e a súa organización estivo a cargo da Sociedade Deportiva Teucro.

Preme parar ver máis imaxes

As explicacións e recomedacións foron impartidas pola nutricionista Inés Martínez e polo xogador do Teucro Cahue Herrera. Falamos e debatimos sobre a pirámide de alimentos, o plato "ideal", as merendas saudables...

Ao remate da charla agasalláronnos cunha bolsiña de tea que contiña produtos  recomendables para unha vida saudable. 

Seguiremos investigando e traballando sobre nutrintes e clasificación de alimentos.

 

A noticia tamén apareceu nos xornais:

pontevedraviva.com

Faro de Vigo

25 DE NOVEMBRO CONTRA O MALTRATO DE XÉNERO

REFLEXIONAMOS NA CLASE SOBRE O MALTRATO DE XÉNERO E COMO HAI QUE ERRADICALO.

PARTIMOS DUN CONTO E AMOSAMOS O NOSO REXEITAMENTO CONTRA CALQUERA TIPO DE MALTRATO.

UN SAMAÍN DIFERENTE

 A MAXIA INUNDA O COLEXIO.

NESTAS SEMANAS TOCA TRABALLAR A MAXIA DO SAMAÍN.

LOITAMOS CONTRA OS MEDOS ESCOITANDO HISTORIAS.

O DÍA DA FESTA HABERÁ VARIÑAS MÁXICAS, PALABRAS MÁXICAS E PEITEADOS INCRIBLES.

XA VEREDES FOTOS.

MOITAS INVESTIGACIÓNS FACEMOS

DURANTE ESTAS SEMANAS ESTAMOS A TRABALLAR CON MOITA INFORMACIÓN DIFERENTE SOBRE O QUE ACONTECEU NO MUNDO E EN ESPAÑA.

ESTAMOS ACOMODÁNDONOS ÁS NOSAS NOVAS AULAS.

XA ESTAMOS EN 3º!

 O VINDEIRO DÍA 9 ESTAREMOS NAS CLASES E PODEREMOS SAUDARNOS.

AS NOSAS MASCOTAS ESCRIBIRÍANNOS ALGO? MANDARÍAN UNHA CARTA?

DESPEDIDAS

 E chegamos ao noso derradeiro día en 2º...

Medramos todos e todas xuntos e xuntas, e somos mellores!!!! Mellores amigos e amigas, mellores compañeiros e compañeiras, máis fortes, máis expresivos, máis independentes...

Estamos moi orgullosas de todas e todos vós, e nunca vos poderemos esquecer, recordade que xa tedes un anaquiño dos nosos corazóns!!! 

ROTEIRO COMPETENCIAL

 Vaia actividade chula que fixemos hoxe en 2º!!!!

En grupos de seis detectives tivemos que superar catro probas, primeiro o alumnado de  2º B e logo 2ºA:

1) Abrir unha caixa forte. Para adiviñar a contraseña tiñamos que ordear unha historia, pero o máis difícil é que algunha parte estaba con escritura en espello!!!

  

2) Montar un circuito no xeoplano e facer o recorrido cunha boliña. Que emoción!!!!

  

3) Superar unha ronda de preguntas interactivas para evitar unha invasión alieníxena.  

     

4) Resolver catro problemas matemáticos para poder abrir os candados que estaban escondidos por todo o patio. Localizar os candados xa era todo un reto, porque aínda que levamos un plano, algún estaba moi escondido!!!

       

Pasámolo xenial e conseguimos encher de estrelas as nosas tarxetas de detectives.

ACTIVIDADES ÚLTIMOS DÍAS

   Despois dun curso tan complicado, a mellor maneira de repasar todo o aprendido é con xogos e actividades máis lúdicas, moitas delas xa practicadas durante o curso, pero que sempre nos gusta volver a facer. Tangram, simetrías con espellos, ruleta das multiplicacións...

CÁPSULA DO TEMPO

  O alumnado de 2º tamén participou nesta actividade do cole. Cada neno e nena escribiu pensando en como será en 5 anos, reflexionando sobre os cambios, as relacións...Que emoción agardar estes 5 anos, porque cando abramos a caixa...xa estaremos no instituto!!!!

 

SOMOS XORNALISTAS!!

 Rematamos o noso proxecto sobre o xornal coa elaboración dun propio. Tentamos escribir diferentes seccións, insertar publicidade, maquetar ben con fotografías, poñer algún debuxo... todo con noticias que escoitamos nestes días ou nalgúns casos, noticias imaxinarias. 

Algún destes nenos e nenas de seguro que traballará de xornalista no futuro!!

PLÁSTICA CO XORNAL

 Estes días estamos a rematar o noso proxecto de periodistas co xornal. A Plástica non podía faltar no noso proxecto, e aquí tedes os divertidos collagues que os nenos e nenas de 2º elaboraron reciclando xornais vellos.

BOLIÑAS DA CALMA

 Con globos e perlas de auga preparamos unhas bolas moi chulas para nos tranquilizar cando estemos nerviosos e nerviosas. Cada neno e nena decorou a súa nunha actividade de Valores onde puidemos ver cómo medraban as perlas na auga e que pon punto final a todo o que aprendimos sobre o autocontrol. 

EDUCACIÓN ARTÍSTICA

 Presentamos os libriños que preparou o alumnado de segundo traballando a cor, o degradado, o uso do pincel, as mesturas... Resultou unha actividade motivadora que tiña tamén unha parte de xeometría e uso da regra.  Gustou moito, moito!