INCIACIÓN Á ROBÓTICA EO STEM

A ROBÓTICA É UNHA FERRAMENTA EDUCATIVA COMPLEMENTARIA COA QUE TRABALLAMOS CONTIDOS CURRICULARES DE FORMA LÚDICA E MOTIVADORA DENTRO DO STEM. A FINALIDADE É INTRODUCIR AO ALUMNADO DE FORMA NATURAL E LÚDICA NA LINGUAXE DA PROGRAMACIÓN, A CIENCIA E A MATEMÁTICA A TRAVÉS DO PENSAMENTO COMPUTACIONAL, O PENSAMENTO LÓXICO E A LINGUAXE; CO DESENVOLVEMENTO DE ACTIVIDADES MANIPULATIVAS, DE REFLEXIÓN E TRABALLO COLABORATIVO NAS QUE SE LLE PROPOÑEN RETOS E SE POÑEN EN PRÁCTICA HABILIDADES COGNITIVAS DAS DISTINTAS ÁREAS CURRICULARES. A TRAVÉS DAS DIFERENTES DINÁMICAS DE TRABALLO COA ROBÓTICA O ALUMNADO DESENVOLVERÁ APTITUDES E HABILIDADES ESENCIAS COMO: APRENDER A APRENDER, CREAR, CONSTRUIR E PROGRAMAR. ESTES SON ALGÚNS DOS OBXECTIVOS QUE SE REFLICTEN NO PROXECTO  DE CENTRO EN CANTO A ROBÓTICA:
- APRENDER A APRENDER, MEDIANTE PROCESOS DE INDAGACIÓN E DESCUBRIMENTO.
- POTENCIAR SÚA COMPETENCIA DIXITAL CO MANEXO DE DIFERENTES DISPOSITIVOS.
-  DESENVOLVER O PENSAMENTO LÓXICO E COMPUTACIONAL.
- TOMAR DECISIÓNS, AFRONTAR RETOS.
-  IMPULSAR A CREATIVIDADE.
-  TRABALLAR EN EQUIPO DE XEITO COLABORATIVO OU COOPERATIVO.
- PROMOVER O INTERESE POLO MUNDO DA PROGRAMACIÓN E A MECÁNICA.
AS ACTIVIDADES DESENVOLTAS FORON REALIZADAS POLAS TITORAS E POLAS PROFES DE APOIO.  EN OCASIÓNS CON GRUPOS REDUCIDOS E NOUTRAS CON TODO O GRUPO. A DURACIÓN DAS ACTIVIDADES  VARIA ENTRE MEDIA E UNHA SESIÓN. OS ROBOTS QUE SE MANEXARON FORON O DOC, BLUE-BOT E MIND DE XEITO HABITUAL E OCASIONALMENTE O M-BOT.
REALIZAMOS ACTIVIDADES DE TRES TIPOS:
1. PROMOVIDAS POLA BIBLIOTECA E O EQUIPO STEM:

• CELEBRACIÓN “ROSALÍA DE CASTRO”: ACTIVIDADE REALIZADA NAS AULAS E ZONAS COMÚNS, PRESÉNTASE UN  TABOLEIRO CON 12 IMAXES SOBRE A VIDA DE ROSALÍA DE CASTRO E UNHA BARRALLA CON PREGUNTAS ADAPTADAS AO NIVEL SOBRE A SÚA BIBLIOGRAFÍA . NO TABOLEIRO HAI NOTAS MUSICAIS QUE ESTÁN RELACIONADAS COS POEMAS MUSICADOS QUE TAMÉN TRABALLOU A ESPECIALISTA DE MÚSICA NAS SÚAS SESIÓNS CO ALUMNADO. AS ESPECIALISTAS EN LINGUA INGLESA TRABALLARON NAS SÚAS SESIÓNS  O VOCABULARIO EN INGLÉS RELACIONADO COA VIDA E OBRA DE ROSALÍA DE CASTRO. ESTA EXPERIENCIA FOI ACOLLIDA POLO ALUMNADO CON MOITO ENTUSIASMO.

• CELEBRACIÓN 8 DE MARZO “DÍA DA MULLER TRABALLADORA”  REFLEXIONAMOS SOBRE A COLABORACIÓN E A CORRESPONSABILIDADE NAS TAREFAS DOMÉSTICAS E DO FOGAR. PRETENDEMOS RACHAR ESTEREOTIPOS QUE IMPIDEN UNHA IGUALDADE XUSTA E EFECTIVA. TRABALLAMOS  O CONTO  “LAS MUÑECAS SON PARA NIÑAS” EN TODO O CENTRO.  O ALUMNADO DE 5º CONTOU,  GRAVOU  E EXPUXO CON CÓDIGO QR  O CONTO PARA VER CON DISPOSITIVO MÓBIL  NUNHA DAS PAREDES EXTERIORES DA BIBLIOTECA  NON SO PARA O ALUMNADO DO CENTRO SENÓN TAMÉN PARA AS FAMILIAS. LEVAMOS AS TABLETS PARA ESCOITALO. ADEMAIS PRESENTÓUSE AO ALUMNADO UN TABOLEIRO DE 24 CASAS QUE REPRESENTABA UNHA VIVENDA FAMILIAR E CONTORNAS FRECUENTADAS POLAS FAMILIAS (ESCOLA, PARQUE, SUPERMERCADO, TENDA DE ROUPA, ACTIVIDADES...)  E  UNHA BARALLA DE CARTAS CON PREGUNTAS  ADAPTADAS AO  NIVEL, TAMÉN UNHA GRÁFICA PARA COMPROBAR A CORRESPONSABILIDADE NAS TAREFEAS DO FOGAR. UN DOC FACÍA DE HOME E OUTRO DE MULLER. REALIZOUSE NAS AULAS E ESPAZOS COMÚNS. O ALUMNADO PARTICIPOU CON MOITAS GANAS NA ACTIVIDADE. 

• CELEBRACIÓN DO “DÍA DO LIBRO” ORGANIZÁRONSE UNHA SERIE DE ACTIVIDADES ENCADEADAS. LAMPI A MASCOTA DA BIBLIOTECA CONVIDA AO ALUMNADO Á ENTRADA DA MESMA  CO LEMA “OS ROBOTS CHEGAN Á BIBLIOTECA”  PARA IR A MESA DE REXISTRO COÑECER AO ROBOT BIBLIOTECARIO. ALÍ TIÑAN QUE LER UNHAS INSTRUCIÓNS E IR FACENDO A SECUENCIA: ACENDER O M-BOT, LER A PANTALLA (FELIZ DÍA DO LIBRO), APÁGALO, COLLER UN DOS TABOLEIROS, NESTA OCASIÓN CON IMAXES  DOS CONTOS  “OS TRES PORQUIÑOS “ OU “CARAPUCHUÑA”  E ESCOLLER UN DOS TRES ROBOTS "DOC, BLUE-BOT OU  MIND" PARA CONTAR O CONTO SEGUINDO A SECUENCIA LÓXICA DO MESMO (PRINCIPIO-TRAMA-DESENLACE). RESULTOU UNHA ACTIVIDADE MOI DIVERTIDA  E NOVEDOSA PARA O ALUMNADO .

• CELEBRACIÓN LETRAS GALEGAS “ANTÓN FRAGUAS FRAGUAS”  NESTA OCASIÓN PRESÉNTASE NA BIBLIOTECA  UN TABOLEIRO CON  NOVE PREGUNTAS SOBRE A VIDA E OBRA DO HOMENAXEADO E TAMÉN  DOUS DADOS PARA LANZAR E SUMAR. O RESULTADO DA SUMA É A CASA Á QUE DEBEN DESPRAZAR O ROBOT E DAR RESPOSTA Á PREGUNTA. FACILÍTASE UNHA FOLLA CON INSTRUCCIÓN E UN CÓDIGO QR PARA LER COA TABLET POR SE SAE  ALGUNHA DAS CASAS CON NOTAS MUSICAIS, NAS QUE TIÑAN QUE CANTAR OU BAILAR A CANTIGA  “O CASAMENTO DA PULGA” DE YOTUBE DE PABLO DÍAZ. NOVAMENTE TIVO UNHA GRAN ACOLLIDA POR PARTE DO ALUMNADO. PODÍAN EMPREGAR  O DOC, BLUE-BOT OU MIND.

2. RELACIONADAS COS PROXECTOS NAS AULAS, ESTE CURSO DESENVOLVÉRONSE DOUS PROXECTOS OS DINOSAURIOS E O UNIVERSO E EMPREGAMOS AS SEGUINTES FERRAMENTAS PARA TRABALLAR ALGÚNS DOS CONTIDOS:

• TABOLEIROS  PARA O DOC E BLUE-BOT CON CONTIDOS RELACIONADOS COS DINOSAURIOS E CO UNIVERSO. DOUS TIPOS DE ACTIVIDADES RELACIONAR IMAXE CON NOME OU RESPOSTAR AS TARXETAS CON PREGUNTAS. EMPREGOUSE CON TODO O ALUMNADO PARA A PRESENTACIÓN E LOGO XOGABAN AUTONOMAMENTE NO TEMPO DE RECANTOS.

• EMPREGAMOS A APLICACIÓN HP REVEAL PARA DESENVOLVER UNHA ACTIVIDADE DE REALIDADE AUMENTADA. O ALUMNADO RECORTOU PISADAS DE DIFERENTES DINOSAURIOS E BUSCOU IMAXES NA REDE DESES DINOSAURIOS. O XOGO CONSISTÍA EN EXTENDER POLO CHAN AS PISADAS, IDENTIFICAR UNHA PISADA  E COMPROBALO COA TABLET (Ó ACHEGAR A TABLET A PISADA SAÍA O DINOSAURIO O QUE PERTENCÍA). PRESENTOUSE EN GRAN GRUPO E DESPOIS XOGABAN AUTONOMAMENTE NO RECANTO DO MUSEO.
  

• INTERACCIÓN CON LIBROS E CROMOS DE REALIDADE AUMENTADA  RELACIONADOS COS  CONTIDOS DO PROXECTOS, EMPREGANDO AS TABLET, COMBINANDO O MUNDO REAL CO MUNDO DIXITAL ,PARA DARLLE VIDA ÓS DINOSAURIOS OU MOVEMENTO  O UNIVERSO , PUIDENDO VER E MANIPULAR OS OBXECTOS EN DIVERSOS ÁNGULOS DE FORMA LÚDICA. PRESENTANSE A TODO O GRUPO E DESPOIS XOGAN AUTONOMAMENTE NO RECANTO DE BIBLIOTECA. COS CROMOS DE REALIDADE AUMENTADA CONSEGUIMOS FACER UNHA PELÍCULA "PASEANDO ENTRE DINOSAURIOS POR DINOVILA".  https://www.youtube.com/watch?v=vtqrEgbuhCw   
  
• MÓBIL E GAFAS DE REALIDADE  VIRTUAL COAS QUE XERAMOS CONTORNAS VIRTUAIS QUE CREAN NO USUARIO A SENSACIÓN DE ESTAR INMERSO NESAS CONTORNAS. EMPREGAMOS AS APLICACIÓNS:  VR TIERRA DE LOS DINOSAURIOS, VR SOLAR SPACE E  VR SPACE WORLD. 
  

• INTRODUCIÓN AO USO DO CÓDIGO QR. CÓDIGO DE FORMA CADRADA QUE NOS ENLAZA  A TRAVÉS DUNHA APLICACIÓN INSTALADA NO DISPOSITIVO MÓBIL  CUN ENLACE DA WEB. REALIZAMOS VARIAS ACTIVIDADES DESTE TIPO PARA QUE O ALUMNADO DO CENTRO E AS FAMILIAS AS PUIDESEN VISIONAR. EXPERIMENTO DA LÁMPADA DE LAVA, A CANTIGA DOS DINOSAURIOS E A PELÍCULA E DOCUMENTAL DE DINOSAURIOS.
  

• CONDUCIR A M-BOT. DENTRO DO PROXECTO DO UNIVERSO DESENVOLVEMOS UN XOGO  "PREPARÁMONOS PARA PILOTAR UNHA NAVE ESPACIAL" COA APLICACIÓN  MAKEBLOCK DA TABLET TIÑAN QUE SORTEAR OBSTÁCULOS (FIGURAS XEOMÉTRICAS BÁSICAS) QUE SIMULABAN ESTRELAS, ASTEROIDES, PLANETAS...
  
• CONSTELACIÓNS DE ANIMAIS CON MIND. NO PROXECTO DO UNIVERSO XOGAMOS CON MIND  E O TANGRAM DE ANIMAIS  QUE NOS RECORDA AS CONSTELACIÓNS DE ANIMAIS. REALIZÁRONAS E DESPOIS COLOREÁRONAS. AO MESMO CO TANGRAM  FÍSICO CREARON NOVAS FORMAS.
  

3. OUTRAS ACTIVIDADES: 

•  EXPERIMENTACIÓN LIBRE CON CONSTRUCIÓNS BÁSICAS NUN DOS RECANTOS DAS AULAS PARA PLANIFICAR, EXPERIMENTAR E CREAR EN PEQUENO GRUPO DE XEITO COLABORATIVO. DESENVOLVEN TAMÉN A CONCIENCIA ESPACIAL, O COÑECEMENTO MATEMÁTICO, AFRONTAN RETOS E DESENVOLVEN A CREATIVIDADE. 
  

• OBRADOIRO COAS FAMILIAS CIRCUITO ELÉCTRICO CON PLASTILINA CONDUCTIVA.  ENFOCADA COMO UNHA ACTIVIDADE DE INTRODUCIÓN Á TECNOLOXÍA. AS FAMILIAS EXPLICARON COMO  SE  FAI A PLASTILINA CONDUCTORA E A DIFERENZA COA PLASTILINA DA AULAS QUE NON É CONDUCTORA. INTRODUCIRON VOCABULARIO BÁSICO PARA A REALIZACIÓN DA ACTIVIDADE: CIRCUITO, BATERÍA-ENERXÍA, CABLE VERMELLO-POSITIVO, CABLE NEGRO-NEGATIVO, LEDS PATA CORTA-NEGATIVO E LONGA POSITIVO, CURTOCIRCUITO, VOLTIOS, ZUMBADOR, MOTOR... DESPOIS DUNHAS BREVES INDICACIÓNS DAS FAMILIAS COMEZARON A FACER AS SÚAS PROPIAS CREACIÓNS DANDO RENDA SOLTA A SÚA IMAXINACIÓN  E RESULTARON ELABORACIÓNS CREATIVAS E ORIXINAIS. DESPOIS DA ACTIVIDADE DISPUXEMOS UN ESPAZO DA AULA PARA QUE CONTINUASEN EXPERIMENTANDO.   https://www.youtube.com/watch?v=5YE7_Z7JV5I&t=45s

ESTAS FORON MOITAS DAS ACTIVIDADES  DE INICIACIÓN Á ROBÓTICA E O STEM REALIZADAS QUE VALORAMOS COMO POSITIVAS PARA TODO O ALUMNADO XA QUE FORON LÚDICAS E MOTIVADORAS. A TRAVÉS DA SÚA REALIZACIÓN O ALUMNADO ADQUIRIU CONTIDOS CURRICULARES E  DESENVOLVEU AO MESMO TEMPO HABILIDADES SOCIAIS, COLABORATIVAS, MANIPULATIVAS, COGNITIVAS, LINGÜÍSTICAS, MATEMÁTICAS E CREATIVAS.

CONTACONTOS: MARIO PENSABA QUE O GALEGO NON SERVÍA PARA NADA

HOXE DOUS DOS INTEGRANTES DE "POLO CORREO DO VENTO" VIÑERON CONTARNOS O CONTO: "MARIO PENSABA QUE O GALEGO NON SERVÍA PARA NADA", PARA PROMOVER A LECTURA E A COMPRENSIÓN ORAL DO GALEGO. ENRIQUE MAURICIO  CONTABA O CONTO DE XEITO ORAL MENTRES CARLOS TABOADA DEBUXABA UN MURAL DO CONTO. AO REMATAR TODOS DEBUXAMOS UN PIRATA (PERSONAXE DO CONTO) GUIADOS POR CARLOS. FOI UNHA SESIÓN MOI DIVERTIDA. BOTÁDELLE UNHA OLLADA AS FOTOS!!

PLANTAMOS NO HORTO

ESTE ANO NO COLE PACO FIXO UN PEQUENO HORTO E APROVEITANDO QUE ESTAMOS NA PRIMAVERA PLANTAMOS ALGUNHAS PLANTAS DE TEMPORADA: AMORODOS, TOMATEIRAS, LEITUGAS, ALLOS PORROS E ACELGAS. LOGO REGAMOS COAS REGADEIRAS.  BOTÁDELLE UNA OLLADA AS FOTOS!!

ESTREAS DE CINE. 5 ANOS A

HOXE ESTREAMOS  NO CINE VILAVERDE O DOCUMENTAL "EL REINO CAÍDO. LA ERA DE LOS DINOSAURIOS" E A PELÍCULA "PASEANDO ENTRE DINOSAURIOS".

ADEMAIS DA PRODUCIÓN DAS PELÍCULAS TAMÉN PLANIFICAMOS A SESIÓN DE CINE, DISPUXEMOS: A  TAQUILLA OU DESPACHO DE BILLETES, A CARTELERÍA E AS SALAS DE PROXECIÓN, A COLOCACIÓN DAS CADEIRAS E A FIGURA DO  ACOMODADOR O PESTISCO OU MERENDA... AQUÍ VOS DEIXAMOS ALGUNHAS FOTOS DESES MOMENTOS!!

PELICULA: BRAQUI O DINOSAURO

HOXE ESTREOUSE A TAN AGARDADA PELÍCULA: BRAQUI O DINOSAURO

NÓS FIXEMOS VARIAS TOMAS COA TABLET, PARA GRAVAR A PELÍCULA E A PROFE XUNTOUNAS TODAS E PÚXOLLE MÚSICA.

ADEMAIS DA PRODUCIÓN DA PELÍCULA TAMÉN PLANIFICAMOS A SESIÓN DE CINE, DISPUXEMOS: A TAQUILLA OU DESPACHO DE BILLETES, A CARTELERÍA E AS SALAS DE PROXECIÓN, A COLOCACIÓN DAS CADEIRAS FILAS E NÚMEROS... TAMÉN NON PODÍAN FALTAR AS "PALOMITAS". OS NENOS E NENAS DE 5 ANOS A. .CONVIDÁRONNOS A VER A SÚA PELÍCULA E NÓS CONVIDÁMOLOS A ELES. AQUÍ VOS DEIXAMOS ALGUNHAS FOTOS DESES MOMENTOS!!

ASOCIACIÓN DOWN PONTEVEDRA

HOXE VIÑERON AO COLE ÓSCAR E SANDRA DA ASOCIACIÓN DOWN PONTEVEDRA XUNTOS. CONTÁRONOS QUE É A SÍNDROME DE DOWN E LOGO UN VÍDEO E VARIOS CONTOS RELACIONADOS COA DIVERSIDADE, O RESPECTO, A ACEPTACIÓN DAS DIFERENZAS, A INCLUSIÓN... FOI UNHA SESIÓN MOI ENRIQUECEDORA!!

MUSEO DINOVILA

CHEGOU O GRAN  MOMENTO DE APERTURA DO NOSO MUSEO  PALEONTOLÓXICO DINOVILA.


CHEGARON AS VISITAS!!
PRIMEIRAMENTE NÓS MESMOS FIXEMOS COMO SE VISITÁSEMOS O MUSEO NUNHA EXCURSIÓN.


DESPOIS FIXEMOS UNHAS INVITACIÓNS PARA QUE AS FAMILIAS PUIDESEN VER TODO O NOSO TRABALLO. FÓMOSLLES EXPLICANDO TODA A EXPOSICIÓN E QUEDARON MARABILLADOS. AQUÍ VOS DEIXAMOS ALGUNHAS FOTOGRAFÍAS!!

REMATAMOS CO PROXECTO DOS DINOSAURIOS

 RECABAMOS MOITA INFORMACIÓN SOBRE A "ERA DOS DINOSAURIOS" COA AXUDA DAS FAMILIAS NAS NOSAS CASAS E NOS LIBROS. CON TODA ESTA INFORMACIÓN AO FINAL DO PROXECTO FIXEMOS UNS CADERNOS DE CONSULTA DE DIFERENTES ASPECTOS: PLATENA TERRA, VOLCÁNS, CONTINENTES, TIPOS DE DINOSAURIOS, PALEONTOLOXÍA, MUSEOS DE DINOSAURIOS, IDADE DE XEO....

 INFORMACIÓN RECABADA POLAS NENAS E NENOS DE 5 ANOS A:
 INFORMACIÓN RECABADA POLAS NENAS E NENOS DE 5 ANOS B:


XOGAMOS NA AULA NOS RECANTOS COS DINOSAURIOS: RECONSTRUIMOS ESQUELETOS CON TUBOS DE CARTÓN, MEDIMOS DINOSAURIOS CON REGLETAS E REGRAS, FIXEMOS PUZZLES E QUEBRACABEZAS, TEATRO, XOGAMOS CO KIT PALEONTOLÓXICO, PISADAS CON PLASTILINA, LEMOS LIBROS , XOGAMOS COAS TABLETS E A REALIDADE AUMENTADA, DEBUXAMOS ...

 NENAS E NENOS 5 ANOS A:

 NENAS E NENOS DE 5 ANOS B:



CREAMOS MAQUETAS PARA RECREAR A CONTORNA NA QUE VIVÍAN OS DINOSAURIOS CON MOITA VEXETACIÓN, MONTAÑAS, VOLCÁNS, RÍOS, ETC. DESEÑAMOS EN PAPEL OS BOCETOS, CADA UN FIXO A SÚA PROPOSTA, PARA FINALMENTE DECIDIR O DESEÑO FINAL ENTRE TODOS.  LOGO CON PAPEL, PINTURA E ALGUNHAS TÉCNICAS  PLÁSTICAS FIXEMOS MONTAÑAS, VOLCÁNS, ÁRBORES E PALMEIRAS, O RÍO... CANDO AS REMATAMOS COMEZAMOS A XOGAR CON ELAS, A CREAR HISTORIAS E CONTOS.  ASÍ XURDIRON AS PELÍCULAS E OS DOCUMENTAIS.

NENAS E NENOS DE 5 ANOS A:



NENAS E NENOS DE 5 ANOS B:


CONVERTÉMONOS EN PALEONTÓLOGAS E PALEONTÓLOGOS. A PALEONTÓLOGA DO MUJA, LAURA PIÑUELA ESCRIBIUNOS UNHA CARTA E  PROPÚXONOS UN TRABALLO  DE RECUPERACIÓN DE  FÓSILES  DE ÓSOS DE DINOSAURIOS NO XACEMENTO VILAVERDE E A SÚA RECONSTRUCIÓN. CO EQUIPO DE PALEONTOLOXÍA BUSCAMOS OS OSOS E  REXISTRAMOS O ATOPADO, DURANTE A  RECONSTRUCIÓN TIVEMOS QUE FACER AS PEZAS QUE BOTAMOS  EN FALTA NOS ESQUELETOS. O TRABALLO FINAL EXPUXÉMOLO EN VITRINAS NO MUSEO CREADO NO CORREDOR.

NENAS E NENOS DE 5 ANOS A:




NENAS E NENOS DE 5 ANOS B:



ACTIVIDADES RELACIONADAS COA ROBÓTICA.  XOGAMOS COS ROBOTS: DOC E BLUE BOOT  COS PANEIS PARA TRABALLAR OS CONCEPTOS DO PROXECTO. COA REALIDADE AUMENTANDA XOGAMOS CON: LIBROS, CARTAS E CROMOS DOS QUE SAÍAN DINOSAURIOS QUE CAMIÑABAN, MOVÍANSE E ATA  PODÍAS FOTOGRAFARTE CON ELES. FIXEMOS UN XOGO DE PISADAS COA REALIDADE AUMENTADA QUE COLOCAMOS  NO NOSO MUSEO. TAMÉN NAS PAREDES DO MUSEO PUXEMOS CÓDICOS QR ENLAZADOS A ACTIVIDADES  AUDIOVISUAIS QUE FIXEMOS  RELACIONADAS CO PROXECTO COMO AS LÁMPADAS DE LAVA,  CANTIGAS REPRESENTADAS POR NÓS  E AS PELÍCULAS QUE FIXEMOS.

NENAS E NENOS DE 5 ANOS A:



NENAS E NENOS DE 5 ANOS B:


OUTRAS ACTIVIDADES. O GRUPO A E O GRUPO B FIXERON CADANSEU DINOSAURIO PERO AS MOTIVACIÓNS E O DESENVOLVEMENTO DE CADA UNHA FOI DIFERENTE.

NENAS E NENOS DO GRUPO A:  NESTE GRUPO CANDO SE VALORARON AS POSIBLES ACTIVIDADES A REALIZAR DURANTE O PROXECTO PROPUXERON  FACER UN DINOSAURIO MOI, MOI GRANDE E UN ESQUELETO DE VELOCIRAPTOR.  NESES DÍAS APARECEU NA AULA UNHA PEQUENA CRÍA DE BRAQUIOSAURIO O QUE BAUTIZARON COMO "PINCHI", PARA QUE NON ESTIVESE SÓ E SE DIVERTISE COMEZARON A LEVALO POLAS TARDES PARA CASA. PASADOS UNS DÍAS XURDÍU A IDEA DE QUE O DINOSAURIO GRANDE QUE TIÑAMOS PREVISTO FACER SERÍA A MAMÁ DE PINCHI. UNHA GRANDE BRAQUIOSAURIA QUE O PROTEXERÍA E COIDARÍA.  ASÍ COMEZOU A NOSA AVENTURA DE FACER UN DOS SAURÓPODOS MÁIS GRANDES DA ERA MESOZOICA . DECIDIMOS FACER A ESTRUCTURA, O SEU ESQUELETO,  CON CAIXAS E TUBOS DE CARTÓN. PUXEMOS AS PATAS E O PESCOZO E XURDIU  UNHA INQUEDANZA, PODERÍA CAER CARA ADIANTE A ESTRUCTURA?? NESTE PUNTO DECIDIMOS METERLLE PEDRAS PEQUENAS NOS TUBOS DAS PATAS TRASEIRAS PARA EQUILIBRAR O PESO. LOGO CON PAPEL DE PERIÓDICO PUXEMOS UNHA SIMULACIÓN DE MÚSCULOS  POR TODO O SEU CORPO. A CONTINUACIÓN PASAMOS UN RATO MOI DIVERTIDO PEGANDO A PEL CON ANACOS DE PERÍODICO MOLLADOS EN ENGRUDO (UNHA MESTURA DE AUGA CON FARIÑA). DESPOIS PINTAMOS CON ESPONXAS O CORPO E CON PINCEIS A BOCA, OS OLLOS, AS UNLLAS...  FINALMENTE BAUTIZÁMOLA COMO "CUQUÍ".  MENTRES ESTABAMOS CON "CUQUI" TAMÉN DECIDIRON FACER UN NIÑO CON SEIS OVOS PARA QUE "PINCHI" PUIDESE TER IRMÁNS COS QUE XOGAR.  AQUÍ VOS DEIXAMOS ALGUNHAS FOTOS DO PROCESO:



OUTRA DAS ACTIVIDADES QUE FIXEMOS COMO DIXEMOS FOI A RECONSTRUCIÓN DUN ESQUELETO DE VELOCIRAPTOR CON ROLOS DE PAPEL.  ENSAIAMOS ALGUNHAS POSIBLES FORMAS DE COLOCALOS ANTES DE CHEGAR Á DEFINITIVA.  BOTÁDELLE UNHA OLLADA AS FOTOGRAFÍAS!!



NENAS E NENOS DO GRUPO B:
NESTE GRUPO CANDO SE PROPUXERON  AS POSIBLES ACTIVIDADES A REALIZAR DURANTE O PROXECTO, DECIDIMOS QUE  QUERIAMOS FACER UN DINOSAURO IGUAL QUE FIXEMOS A ELSA O CURSO PASADO, ASÍ QUE TROUXEMOS TUBOS DE PAPEL HIXIÉNICO DE CASA, NA ALFOMBRA FIXEMOS O XACEMENTO ONDE ESTABAN OS FÓSILES DUN BRAQUIOSAURIO, XOGAMOS A MEDILOS, CONTALOS, OBSERVALOS CON LUPA, COMO UNS PALEONTÓLOGOS E PALEONTÓLOGAS, LEVAMOS OS ÓSOS AO MUSEO PARA RECONSTRUÍR O SAURÓPODO, CON ARAME, AXUDADOS POLA PROFE, PUXÉMOSLLE TODOS OS ÓSOS E ARTICULACIÓNS. TIVEMOS QUE INVESTIGAR MOITO SOBRE A ANATOMÍA DOS BRAQUIOSAURIOS, ENGADÍMOSLLE  OS DIFERENTES ÓRGANOS INTERNOS, OS MÚSCULOS , A PEL COA TÉCNICA DE "PAPEL MACHÉ". DESPOIS PINTÁMOLO. FIXEMOS OS DENTES CON PASTA DE SAL E A LINGUA CON PLASTILINA. NON LLE QUIXEMOS POÑER OVOS DENTRO, PORQUE POR VOTACIÓN DECIDIMOS QUE SERÍA UN MACHO E ÍA A SER UN BEBÉ. ENTRE TODOS ELIXIMOS O SEU NOME, CHÁMASE BRAQUI. PENSAMOS EN COMO SERÍA A VIDA DE BRAQUI NO MESOZOICO E INVENTAMOS UN CONTO, DECIDIMOS QUE ESTE CONTO PODERÍANOS SERVIR PARA O GUIÓN DUNHA PELÍCULA. ASÍ QUE POR EQUIPOS COMEZAMOS A GRAVAR NA TABLE A PELÍCULA DE BRAQUI,   UTILIZANDO A NOSA MAQUETA COMO ESCENARIO.
 AQUÍ VOS DEIXAMOS ALGUNHAS FOTOS DO PROCESO:





CREACIÓN DUN MUSEO PALEONTOLÓXICO. DESPOIS DE INVESTIGAR COMO SON OS DIFERENTES TIPOS DE MUSEOS DECIDIMOS COMO SERÍA O NOSO MUSEO: TERÍA UNHA PARTE EXPOSITIVA COS DIFERENTES TRABALLOS DE INVESTIGACIÓN QUE FOMOS FACENDO O LONGO DO PROXECTO E; OUTRA RECREATIVA DA ERA DOS DINOSAURIOS, NA QUE EMPREGAMOS DIFERENTES TÉCNICAS PLÁTICAS PARA FACER: TRONCOS DAS ÁRBORES, LIANAS, DINOSAURIOS... VOTAMOS PARA POÑERLLE  O  NOME: DINOVILA. BOTÁDELLE UNHA OLLADA AS FOTOS PARA VER COMO SE FORON DESENVOLVENDO AS ACTIVIDADES.
NENAS E NENOS DE 5 ANOS A:


NENAS E NENOS DE 5 ANOS B:

VACINA PARA A PAZ E O BO TRATO

A VIOLENCIA, COMO OS VIRUS, SÓ PRODUCEN VÍCTIMAS: TODOS SAÍMOS PERDENDO CANDO ESTOUPA. COMO PASA COAS EPIDEMIAS É MELLOR PREVIR QUE CURAR. POR ISO, DESDE UNICEF, PROPOÑEN QUE ELABOREMOS EN CADA GRUPO AULA UNHA VACINA PARA A PAZ E O BO TRATO QUE PROTEXA A TODA A NOSA CONTORNA. É UNHA VACINA QUE NON SE PON, HAINA QUE PENSAR!! PRIMEIRO, DESEÑAMOS O NOSO VIOLENTOVIRUS QUE REFLICTE AS DIFERENTES FORMAS DE VIOLENCIA QUE NOS RODEAN E QUE QUEREMOS SOLUCIONAR. DESPOIS, FABRICAMOS UNHA VACINA COS COMPOÑENTES NECESARIOS PARA FACERLLE FRENTE AO VIOLENTOVIRUS. LOGO ESTABLECEMOS UNS COMPROMISOS PARA O BO FUNCIONAMENTO DO GRUPO. FINALMENTE, PREPARAMOS UNHA CARTILLA E UNHAS TIRITAS PARA COMEZAR A CAMPAÑA DE VACINACIÓN. FOI UNHA EXPERIENCIA MOI DIVERTIDA!! BOTÁDELLE UNHA OLLADA AS FOTOS!!
5 ANOS A.

5ANOS B.

OBRADOIRO COMPOSTAXE

HOXE TIVEMOS UN OBRADOIRO DE COMPOSTAXE  NA BIBLIOTECA. ROCÍO MESTRA DO CEIDA VEU AO COLE PARA FALARNOS DOS COMPOSTEIROS E DO COMPOST.
PRIMEIRO MIRAMOS UN VÍDEO EXPLICATIVO DA COMPOSTAXE CON "PEPA PIG". LOGO AMOSOUNOS A SÚA MASCOTA "ECOCOL" COA QUE NOS PRESENTOU VOCABULARIO RELACIONADO COA COMPOSTAXE.
PASÁMOLO MOI BEN,  CANDO NOS FIXO UN XOGO DE MAXIA NO QUE TRANSFORMABA ALGÚNS OBXECTOS QUE TIRAMOS O LIXO CON FRECUENCIA NOUTROS NOVOS, O COÑECEMOS COMO "REUTILIZACIÓN". TAMÉN NOS DIVERTIMOS SACANDO DUN PEQUENO COMPOSTEIRO QUE TRAIA DE XOGUETE OS BICHOS QUE VIVEN NEL. REMATAMOS PLANTANDO FABAS CON COMPOST O QUE ELA CHAMABA "TERRA MÁXICA". AQUÍ VOS DEIXAMOS ALGUNHAS FOTOS
5 ANOS A.
 
5 ANOS B.

OBRADOIRO FAMILIAS: VIAXE AO REINO DAS EMOCIÓNS

AS MAMÁS DE IRENE, TIAGO, MARIO, CLARA, LUCAS, INÉS E ÁLEX VIÑERON AO COLE PARA REPRESENTAR A TRAVÉS DUN PEQUENO TEATRO DE MONICREQUES O CONTO "VIAXE AO REINO DAS EMOCIÓNS", PROPOSTO POLA FUNDACIÓN MENIÑOS.
 ESTE RELATO  XA O TRABALLARAMOS EN SESIÓNS ANTERIORES  NA AULA ASÍ COMA TEMAS DE  CONCIENCIA EMOCIONAL, REGULACIÓN EMOCIONAL, AUTOESTIMA, EMPATÍA, RESOLUCIÓN DE CONFLITOS...
DESPOIS DO TEATRO, AS MAMÁS DESENVOLVERON UNHA ACTIVIDADE DE EDUCACIÓN EMOCIONAL RELACIONADA CO AUTOCONTROL E A RELAXACIÓN,  AXUDANDO ÁS NENAS E NENOS A FACER CADANSÚA BOTELLA DA CALMA OU MÁXICA. FOI MOI DIVERTIDO BOTAR AS PURPURINAS, ESTRELAS E COLORANTES NAS BOTELLAS!!
REMATAMOS FACENDO UNHA PEQUENA SESIÓN DE RELAXACIÓN CON MÚSICA INSTRUMENTAL PARA VER O FUNCIONAMENTO DAS BOTELLAS. PRIMEIRO AXITAMOS AS BOTELLAS E LOGO LEVAMOS A NOSA ATENCIÓN AO MOVEMENTO DA PURPURINA ATA QUE SE POUSOU NO FONDO.  QUEDAMOS MOI RELAXADOS!! ASÍ QUE BOTÁDELLE UNHA OLLADA AO VÍDEO PARA FACER A VOSA!!

ENTROIDO 2019: UNHA REVOLUCIÓN ESPACIAL

CHEGOU O GRAN DÍA, CELEBRAMOS O DESFILE DE ENTROIDO!!! AS FAMILIAS VIÑERON PARA VERNOS DESFILAR COMO ASTRONAUTAS. FIXÉMOLO MOI BEN!!! DESPOIS DE MERENDAR QUEIMAMOS A VILAVERDIÑO!!! FOI UNHA MAÑÁ DE MOITA ACTIVIDADE!!! PERO O MÁIS IMPORTANTE FOI QUE O PASAMOS XENIAL!!! BOTÁDELLE UN OLLO AS FOTOS!!
  5 ANOS A:

5 ANOS B:

PREPARAMOS O ENTROIDO

XA ESTÁ AQUÍ O ENTROIDO E COMEZAMOS COS PREPARATIVOS!! ESTE ANO DISFRAZÁMONOS DE ASTRONAUTAS APROVEITANDO A TEMÁTICO DO NOVO PROXECTO. AS FAMILIAS COLABORARON DENDE A CASA FACENDO O CASCO E AS BOTELLAS. NO COLE FIXEMOS OS PUÑOS, AS PROTECCIÓNS PARA AS PERNAS, DECORAMOS AS BOTELLAS E PUXEMOS O  NO NOME NAS CAMISETAS.
TAMÉN LLE AXUDAMOS A PACO  COA MASCOTA DO ENTROIDO "VILAVERDIÑO" ENCHÉMOSLLE A BARRIGA DE PAPEL E FIXÉMOSLLE ALGUNHAS PLUMAS. BOTÁDELLE UN OLLO AS FOTOS!!
5 ANOS A

5 ANOS B

ORBIL VISITA A NOSA BIBLIOTECA

HOXE RECIBIMOS NO COLE UNHA VISITA MOI ESPECIAL. ORBIL, A MASCOTA OFICIAL DO SALÓN DO LIBRO, VEU COÑECER A  BIBLIOTECA DE LAMPI. GUSTÓULLE MOITO!!!!

OBRADOIRO FAMILIAS: MONICREQUES CON DINOSAUROS

A MAMÁ E O PAPÁ DE DANIEL REY E DE URIEL E A MAMÁ DE IRIA, ALEJANDRO E DANIEL SARTIER VIÑERON AO COLE PARA REALIZAR CONNOSCO O OBRADOIRO: "MONICREQUES CON DINOSAUROS". NA BIBLIOTECA DE LAMPI, RUBÉN, O PAPÁ DE DANIEL REY, CONTOUNOS O CONTO DE VALENTÍN E OS DINOSAUROS CON MONICREQUES, GUSTOUNOS MOITO! FOI MOI DIVERTIDO! DESPOIS NA AULA AS FAMILIAS TÍÑANNOS PREPARADOS OS DIFERENTES PERSONAXES, ESCOLLEMOS O QUE MÁIS NOS GUSTABA, COLOREÁMOLO, RECORTÁMOLO E PUXÉMOSLLE UN PAU. QUEDÁRONNOS UNS MONICREQUES MOI GRACIOSOS.
MOITAS GRAZAS POLA VOSA COLABORACIÓN FAMILIAS!!

 VOTÁDELLE UNHA OLLADA AO VÍDEO:

OBRADOIRO FAMILIAS: A COMPARSA "AMORIÑOS DE BORA"

LUCAS E A SÚA MAMÁ PERTENCEN  Á COMPARSA "AMORIÑOS DE BORA" E APROVEITANDO QUE SE ACHEGA O ENTROIDO DECIDIRON VIR AO COLE ACOMPAÑADOS DE ANDREA PARA EXPLICARNOS: O NACEMENTO DA SÚA COMPARSA, O TRABALLO NO TALLER, OS ENSAIOS DE MÚSICOS E BAILARINAS/ÍNS, OS DESFILES...
AO PARECER O ÉXITO  DA COMPARSA É  A DIVERSIÓN. SON COMA UNHA GRANDE FAMILIA CUN GRAN ESPÍRITO  DE ENTROIDO, TRATAN DE PASALO E FACELO PASAR MOI BEN COA SÚA MÚSICA E BAILE. AQUÍ VOS DEIXAMOS UNHA MOSTRA DO QUE FIXEMOS E DO BEN QUE O PASAMOS CON ELES, BOTÁDELLE UN OLLO O VÍDEO!!! MOITAS GRAZAS POLA VOSA COLABORACIÓN!! 

SAÍDA TEATRO: BURBULLAS DE PAPEL

HOXE FOMOS O TEATRO PARA VER A OBRA "BURBULLAS DE PAPEL"  UN ESPECTÁCULO SEN PALABRAS QUE COMBINA A DANZA, A MÚSICA E A INTERACIÓN MULTIMEDIA, CREANDO UNHA PROPOSTA VISUAL E PLÁSTICA QUE XOGA COA  IMAXINACIÓN DO NEN@ PARA LEVALO A UN MUNDO FANTÁSTICO.  O PROTAGONISTA PRINCIPAL , UN TROMPETISTA, NAMORADO DAS BURBULLAS, COÑECE A UNHA FADA TRAVESA QUE LLE DEVOLVERÁ AS GANAS DE XOGAR, RIR, IMAXINAR E BAILAR.  FOI MOI DIVERTIDO!!!