VISITA AO XXIV SALÓN DO LIBRO DE PONTEVEDRA

 Hoxe visitamos o Salón do Libro de Pontevedra. Orbil, mascota do salón, agardaba na entrada para saudarnos.

Fixemos unha  visita guiada polos diferentes espazos e salas. Participamos con interese e ilusión das explicacións das monitoras e dos xogos propostos.

Buscamos  o traballo presentado polo noso cole e fixámonos especialmente nas páxinas de 4º.

 

A continuación, disfrutamos do espectáculo teatral  WOMBO COMBO da Compañía Galeatro. A obra moi entretida, levounos a reflexionar sobre acoso, videoxogos que "atrapan" e realidade virtual.

Durante os próximos días e ata o 7 de maio podemos visitar o Salón do Libro e participar de moitas actividades, obradoiros, contacontos e lecturas variadas.

O ano próximo máis...

O BOSQUE DA ESPERANZA

Proximamente colaboraremos na plantación de árbores nun proxecto medioambiental moi interesante: "O BOSQUE DA ESPERANZA".

Hoxe asistimos a unha charla presentación e formativa coa colaboración da empresa PreZero e a Comunidade de Montes de Tomeza.

ARTE EN ABRIL

Abril con arte, ciencia e matemáticas. 

Simetrías, cuadrículas, paralelas, perpendiculares...

Nas últimas semanas coa dirección artística da profe Susi estamos poñendo moita ilusión na reproducción dun lobo a partir dunha cuadrícula. Os resultados e as interpretacións son fantásticas, todos diferentes e únicos, de cor ou branco e negro, con acuarelas ou ceras...nuns días montaremos a exposición e amosaremos as obras.

 

EXPOSICIÓN NO COLE

Esta semana no patio do cole temos unha exposición moi interesante: "O TEU COLE NA HISTORIA".

Recolle información sobre os murais realizados en vinte e un centros educativos de Pontevedra.

Hoxe asistimos a presentación da exposición cun contacontos ilustrado a cargo de Carlos A. Taboada (Polo Correo do Vento) e acompañamento musical con Antón Ké.

 

Nas nosas aulas traballamos a información relacionada co mural do noso centro.

Aparece no centro unha figura que representa ao noso profe Victoriano que todas e todos recordamos con cariño, debaixo o pai Sarmiento co carballo de Sta. Margarida, a esquerda unha figura feminina que representa a profesora Josefa Iglesias Vilarelle e a dereita a igrexa de Sta. María de Mourente coa figura da lenda do Mouro. Tamén identificamos o Hospital Montecelo, os petróglifos do monte Castro e un cruceiro cun pardal.

ENREGUÉIFATE 2023

Hoxe asistimos á Gala Enreguéifate-Regueifesta no Auditorio de Galicia en Santiago de Compostela. 

Viaxamos polo mundo da improvisación oral en verso -as regueifas-. Compartimos espectáculo e patio de butacas con alumnado de trinta colexios de toda Galicia.

VISITA DE LEDICIA COSTAS

Hoxe na biblioteca recibimos con moita ilusión a visita de LEDICIA COSTAS. Foi unha sesión moi amena, contounos moitas anécdotas, falou das súas obras, as súas afeccións...e fixémoslle moitas preguntas. Escribiu unha preciosa dedicatoria a todo o alumnado de 4º e rematamos cun enorme aplauso. Ata pronto!

 

Enlace álbum de imaxes